Page 72 - Агабыт туьунан иьирэх тылынан

Туора омук тулаайах, туос аччык
Туор-муор оҕолорун көрдөхпүнэ,
Кыһыл оҕо көтөҕүүлээх, сүр дьүдэх
Кыыс дьахтар ытыһын тоһуйдаҕына
Өстөн-саастан хараастарым,
Өстөөҕү кыайыахпын кыдьыгырарым!

Умайар уот куйааска
Утатан-суоһаан сырыттахха,
Аныһыйар аам-даам тымныыга
Аччыктаан-ааһан бардахха
Курсуйбут килиэп да баҕалааҕа,
Курас уу да ымсыылааҕа.
Күүстээх бомба доҕотторбун
Күдэҥҥэ көтүтэн кэбистэҕинэ,
Кытыаста тигинии умайдаҕына
Кытара-кытара күөх куорат
Сидьиҥ быһыыттан кэлэйэрим,
Сиргэнэр, абарар да этим.
Күчүмэҕэй сэрии ыар олоҕун
Көрсүбүтүм мин бары сорун.
Оо, аны билигин баҕарбаппын
Ол уоттаах сэриигэ мин барыахпын:
Бары дойдуга сириэдийэ,
Барҕара үүннүн Эйэ!
Күчүмэҕэй сэрии ыар олоҕун
Көрсүбүтүм мин бары сорун.
Көрбүтүм сэрии бары эрэйин,
Күчүмэҕэй да мүнүүтэтин.
Көрбүтүм сэрии бары эрэйин,
Көрсүбүтүм араас күчүмэҕэйин.
Көрсүбүтүм, көрбүтүм сэрии эрэйин,
Күчүмэҕэй даҕаны мүнүүтэтин.
Оннукка урут сылдьыбыппын
Отой билигин баҕарбаппын:
Сир ахсым сирэмнии сириэдийэ
Силигилээн истин күндү Эйэ!
Көрбүтүм сэрии элбэх эрэйин,
Көрсүбүтүм араас күчүмэҕэйин.
Оннукка түбэһэ сылдьыбыппыттан
Отой иккиһин баҕарбаппын:
Сир үрдүн бүтүннүү тилийэ
Ситэри кыайдын дьоллоох Эйэ!

70