Page 68 - Агабыт туьунан иьирэх тылынан

Мантан көрөргө
Ол көстөр күөх халлаан
Ньуура ордук ыраастыйбыт.
Манна уу чуумпу бүрүүкээбит,
Саатар биир чыычаах ыллаабат.

Мотор үлэтэ эймээбит
Тыаһа-ууһа ньирилээбит
Олоҕуттан манна бу састым.
Оргуйар тыас сатараабат,
Икки кулгааҕым чуҥкунаабат.
Хантайан көрдөхпүнэ:
Үчүгэйиэн, ол үөһэ киэҥ халлаан
Көҕөрө, сырдыы күндээрбит,
Бэл күн уота чаҕылыҥнаан
Манна ордук күлүмнээбит.
Ойуур тыам
Сымалатын сыта тарҕанан
Хайы-һах дыргыйа охсубут,
Сибиэһэй, ыраас салгынынан
Сайаҕастык сайар буолбут.
Манна
Чуҥкунуур уу чуумпу бүрүүкээбит,
Бэл ырыа чыычаах тыла таппыт.
Саатар биир чыычаах «чыып» диэбэт.
Кулгааҕы эймэтэ ньирилээбит
Олохтон бу дойду көр саспыт.
Сымалатын сыта алыһын
Хайы-һах минньигэстик дыргыйа охсубут,
Сибиэһэй, ыраас көй салгын
Сайаҕастык сайа тунуйбут.
Нуурал-нусхал уу чуумпу
Түспүт бу сиргэ халыйан,
Абыранным тыаһы-ууһу
Сөбүлээбэт бэйэм чуумпуран.

66