Page 71 - Агабыт туьунан иьирэх тылынан

Ол иһин эйигин көрдөрбүн
Ыллыахпын баҕаран кэлэбин
Эмискэ өрүтэ тыынабын
Эппэҥнии-бөтүөхтүү түһэбин:
Дуораччы туойаары гынабын,
Тайаара көтөөрү гынабын.
Оо, Ленам күргүөмнээх бу үлэн,
Дьиктиттэн дьикти бу кэрэн
Ама, дьэ кими үөрпэтий?
Үрдүккэ, кэрэҕэ күүрпэтий?
Ол иһин эйигин таптыыбын,
Олустук, олустук таптыыбын.
Бу дьикти үчүгэй эн кэрэн
Ама дьэ кимнээҕи үөрпэтий?
Кэрэни иэйэргэ күүрпэтий?
Ол иһин эйигин таптыыбын!
Олустук, олустук таптыыбын?
Бу курдук балысхан үлэни,
Арай мин үлэлиир буолларбын,
Эн кэрэн кэриэтэ кэрэни
Мин сатаан, оо, айар буолларбын
Дьоллоохпун дэниэм этэ мин
Күн сирин үрдүгэн кимтэн да.
Бар дьон күүрээннээх үлэтэ,
Айылҕа эриэккэс кэрэтэ
Баар манна барыта Ленаҕа,
Ол иһин күннэтэ ырыаҕа
Ылланар бу улуу эбэккэм
Аатыран, хайҕанан бар-дьоҥҥо.
Бу курдук балысхан үлэни,
Арай мин үлэлиир буолларбын,
Бу курдук улахан кэрэни,
Оо, сатаан мин айар буолларбын!..
Оо, Лена! Эн бар дьоҥҥун
Үрдүккэ күүрдэҕин.
Дохсун сүүрүгүн дьэрэлийэн,
Долгунун биэрэккэр бытарыйан,
Ол үөһүҥ үрүҥ күн уотунан
Күндээрэ дьириснии дьэргэйэн,
О, Ленам барахсан кэрэҕин,
Мин көрө-көрөбүн сөҕөбүн.
Күөрэгэйим ыллаан, кэҕэн этэн,
Киэҥ хочон тунаара киэркэйэн,
Кыылгар лагласпыт үөттэрин
О, Ленам барахсан кэрэҕин
Сэргэхсийэ, чэпчии түһэбин.
69