Page 67 - Агабыт туьунан иьирэх тылынан

Ол онно хаһыакка, кинигэҕэ
Эн өлбөт үйэлээх дьыалаҕын.
Үөрэтиэ,
Билиэ эн олоххун ол онно
Ол сирдээҕи сиэннэрбит хойутун,
Билиэ бэл
Биир эмэ төрүт баар сир дьоно
Бу сиргэ эн дархан олоххун.
Сатаммат,
Хаһан да, үйэлэр тухары
Эйиигин киһи аймах умнара!
Ахтыаҕа
Космос куйаарын тухары
Ханна дьон баар сирэ барыта.
Быстыбыт
Дьадаҥы дьон бар дьоннуун саргылыы
Олоортун улуутук үлэлээн,
Ол улуу
Килбиэннээх үлэҕин ытыктыы
Ахтабыт биһиги кэриэстээн.

Чаҕылхай
Сааскы ып-ыраас сарсыарда
Таҕыстым мин бу үрдүк бырааҥҥа,
Титирик ойуурга бу саҥа
Тыллан эрэр дии мутукча.
Бу тыам иһэ
Хас лабаа сымала сытынан
Хайы-һах дыргыйар буолбут,
Түөһүм туох баар муҥунан
Дириҥник эҕирийэ тыынна.
Салгын барахсан сибиэһэйэ
Алыс да алыс чэгдиттэ,
Уу чуумпу дьикти үчүгэйэ
Санньыар санааны чэпчэттэ.
Оттон дьэ манна
Ол күөх халлаан
Көстөр ордук ыраастыйан,
Бэл күн уота ордук наһаалаан
Сандаарар дии чаҕылыйан.

Оо, уһун күн манна мин сылдьыам,
Күлүмнүүр күммэр сыламныам;
Төлөннөөх иэйиинэн умайыам
Салгыппат ырыабын дьэ ыллыам.

65