Page 15 - КУнду киьибитин

ситиһиини, оччолорго биһиги оройуон историятыгар бастакы
улахан ситиһии курдук өйдөөн хаалбыппыт. Бастакы миэстэ-
ни Чурапчы хамаандата ылбыта, күүстээх оонньооччулардаах
этилэр. Хамаандабыттан ордук Ноговицына Галяны өйдүүбүн.
Галялыын Курбуһах интернат-оскуолатыгар бииргэ үөрэнэ сыл-
дьыбыппыт, волейболга эмиэ бииргэ дьарыктаммыппыт. Биир
иһиттэн аһаан-сиэн, бииргэ утуйан интернакка олорбуппут. Ол
күрэскэ кини Мүрүттэн оонньообута. Дэгиттэр спортсменка этэ,
хайыһарга да ситиһиилэрдээх курдук өйдүүбүн.
1970 с. САССР норуоттарын VI спартакиадатыгар Дьокуускай
куоракка волейболлаабытым. Онно биһиги оройуон хамаанда-
тын речпортка «Механик Кулибин» диэн теплоходка түһэрбит-
тэрэ. Күрэхтэһии «Спартак» стадиоҥҥа буолара, онно бэрт эрэ-
йинэн айанныырбытын өйдүүбүн. Автобус да аҕыйаҕа, киһитэ да
наһаа элбэх буолар этэ, үтүрүһүү-хабырыһыы, тиритии-хорутуу
бөҕө буоларбыт. Ол иһин күнүс да оонньуур буолларбыт, эрдэ ба­
ран, күнү быһа стадиоҥҥа аһыыр-аһаабат, итии баҕайыга мээнэ
сылдьар этибит. Ханна да мустан оонньуу түһэр сир суоҕа. Онон
хамаанда эмиэ ыһыллаҕас соҕус этэ. Ол да буоллар, бэйэ бодобу-
тун тардынан бэркэ оонньообуппут. Хамаанда састаабыгар М.Н.
Тихонова, К.Е. Кривошапкина, Т.Е. Кривошапкина (эдьиийдии-
балыс) - Бороҕонтон, мин - Найахыттан, У.Г. Бурцева, М.Н. Коло- 13
дезникова - Сыырдаах, Бэйдиҥэ бааллара.
Эмиэ ити сыл 1970 с. Найахыга «Коммунизм» колхозка
комском секретарынан үлэлии сылдьан кыргыттары түмэн, дьа-
рыктаан оройуон чемпионатыгар киирэн волейболга кыайан
соһутан турабыт. Ити иннинэ Найахы кыргыттара хаһан да во­
лейбол күрэһэр кыттыбаттар эбит этэ. Бэрт эрэйинэн үлэһит
кыргыттары солбуйтаран, үөрэнээччилэри көҥүллэтэн түбүк
бөҕөҕө түспүппүн өйдүүбүн. Син балачча дьарыктаммыт буолан,
олох сиппит-хоппут хамаанда курдук оонньообуппут. Кыргыттар
истигэннэрэ, толоругастара да бэрт этэ, наһаа көхтөөх, сүрэхтээх
этилэр.
Хамаандаҕа оонньообуттара: мин - капитан, К. Сивцева, Н.
Гоголева, Г. Ноговицына, Т. Сивцева, Г. Румянцева, Н. Сивцева.
Студенныы сылдьан институт сүүмэрдэммит хамаандаты-
гар икки сыл оонньообутум. Онтон, үөрэхпиттэн бириэмэ да бул-
бат курдук буолан, тохтообутум. Ким Ольга диэн наһаа үчүгэйдик
быһар кыыстаах этибит, онно мин наар туруорааччы буоларым.
«Эйигин кытта ордук тапсабын, табыллан охсобун», - диэн наар
миигин соһоро.