Page 11 - КУнду киьибитин

Кылааһым оҕолорун кытта октябренокка, пионерга, комсо-
молга киирбит күннэрбин наһаа долгуйа ахтабын, умнубаппын.
Пионерга, комсомолга наһаа активнай этим. Куруук зве­
новой, пионерскай дружина председателэ, комсомолга оскуолаҕа
секретарь буоларым. Екатерина Ивановна Местникова, кэлин
Зинаида Дмитриевна Винокурова салалтатынан биһиги оскуола
Олег Кошевой аатынан пионерскай дружината араас тэрээһин
бөҕөнү ыытар этэ. Оройуоҥҥа, республикаҕа даҕаны биллэр эти-
бит.
Интернат оскуолаҕа элбэх оҕо бары биир киһи курдук сыл-
дьарбыт, таҥас өттө син боростуой этэ, оттон ас-үөл чааһа олох
үчүгэйэ. Повардар элбэх оҕоҕо минньигэстик астыыллара. Оло-
рор корпустарбыт кыһын тымныы этилэр. Нэдиэлэҕэ үс киинэни
көрөрбүт, библиотека наһаа баай этэ, онтон куруук кинигэ улар-
сан, уруокка кытта уоран ааҕан замечание ылар этим. Библиоте-
карынан Роза Алексеевна Аммосова үлэлээбитэ, куруук үөрэ-көтө
көрсөрө, ханнык кинигэни ааҕыахха сөбүн сүбэлиирэ, аахпыт ки-
нигэҕин төһө өйдөөбүккүн ыйыталаһара.
Интернат оскуолаҕа биир умнуллубат кэминэн саас оттук
мас бэлэмнээһинэ буолара. Оҕо барыта үөрэ-көтө үлэлиирэ, туох
эрэ бырааһынньык курдук этэ. Сибиэһэй, ыраас салгыҥҥа, кос-
терга буспут аһы аһаан, эт-хаан өттүнэн үлэлээн, былааны эрдэ 9
толороору куоталаһыы бөҕө буолан күлэн-салан, үөрэн-көтөн
сылдьар этибит.
Интернат оскуолаҕа 8-с кылааһы бүтэрэн баран, орто ос-
куолаҕа көспүппүт. Сорох оҕолор, онно интернат суох буолан,
дойдуларыгар барбыттара. Араас оройуонтан тулаайах оҕолор
мустан олорбуттара, үөрэммиттэрэ. Кэлин киһи-хара, үлэһит
бэрдэ үтүө дьон буолан тахсыбыттара. Кыра кылаастарга бииргэ
үөрэнэн баран, атын сиргэ барбыт оҕолорбуттан ордук Егорова
Катяны, Неустроева Мотяны, Новгородова Вераны, Шарина Ка-
тяны, Шарина Октяны, Аргунов Васяны, Трулина Галяны кытта
кэлин үлэһит да буолан баран сибээспин быспатаҕым.
Орто оскуолаҕа директорбыт строгай гынан баран спра­
ведлива^ аһыныгас Марфа Ивановна Белолюбская үлэлээбитэ.
Ону таһынан кини историяны үөрэтэр этэ. Биһиги кылаас наһаа
элбэх, эйэлээх, көрдөөх-нардаах этибит. Үөрэппит учууталлар-
быттан ордук Влас Павлович Дегтярев, Юлия Александровна
Унжакова, Нина Васильевна Струнникова - классовод, Анна Пет­
ровна Пермякова, Иннокентий Иннокентьевич Кривошапкин,
Егор Егорович Аммосов - куруук махтана саныыр дьонум.