Page 14 - КУнду киьибитин

Күндү киһибитин ахтабыт кэриэстиибит
ноҕуруускалаан эрчийбитэ. Сыыйа оонньууга кыттыһан барбы-
тым. Баскетболга да куһаҕана суохтук оонньуур буолбутум даҕа-
ны, волейболу ордук чугастык ылыммытым.
Волейболга бастакы улахан күрэхтэһиигэ сүрэхтэниим 1966
с. САССР норуоттарын V спартакиадатыгар Дьокуускай куоракка
буолбута, Уус Алдан сүүмэрдэммит хамаандатыгар киирбитим.
Аҕыйах бириэмэҕэ Бороҕоҥҥо эргэ кулууп таһыгар киэһэттэн
киэһэ дьарыктаммыппыт. Бары күнүс үлэлээх дьон буолан, киэ-
һэ эрэ мусталлара, ону да кыргыттар бөһүөлэктэртэн кыайан
киирбэккэ, биирдэ да толору хамаанданан оонньообуппутун өй-
дөөбөппүн. Мин, оскуола үөрэнээччитэ, иллэҥ буолан, куруук
оонньуурум.
Оччолорго транспорт да суох, аҕыйах буолан, дэриэбинэ-
лэртэн кыайан мустубат этибит. Эрчиллиини Готовцев Федор
Никонович ыытара. Сороҕор мин соҕотох да буолан, уолаттары
кытта хамаандаҕа оонньооһорум. Ол сылдьан Федор Никонович
быһыытын ылаары уҥа тойон эрбэхпин таһаарбытым. Наһаа өр
ыалдьыбыта, онон күрэхтэһиигэ да бэрт эрэйинэн оонньообутум.
Эрчиллиигэ уолаттарга Никоновичтан ураты И.И. Местников
баарын өйдүүбүн. Кини оччолорго хирург буолан, сотору-сотору
ыҥыран ылалларын өйдөөн хаалбыппын.
12 Хамаандабыт састааба: Светлана Елисеевна Максимова -
капитан, мин - Курбуһахтан, Февронья Константиновна Бур-
нашева, Марианна Пестрякова - Бэйдиҥэттэн, Анна Ионов­
на Копырина - Бээрийэ, Александра Николаевна Бурцева,
Д.Н. Петрова - сыырдаахтар этэ. Бэйэ-бэйэбитин үчүгэйдик
билсибэт буолан, бастакы оонньууларга өйдөспөккө эрэй-
дэммиппит, хата кэлин син аһыллан, бэйэбит кыахпытынан
бэркэ оонньообуппут. Саамай эдэрдэрэ мин этим, олох бары
оҕо курдук туппуттара. Мин наар албыннаан оонньуурбун
сөбүлүүрүм, ону билэннэр, зонаҕа кэллим да, «оҕоҕо биэр» дии-
дии кыргыттар бэйэ-бэйэлэригэр хаһыытаһаллара. Кэлин ону
саныы-саныы күлсэрбит.
Иккис улахан күрэхтэһиим - 1969 с. «Урожай» общество
чемпионата Намҥа буолбута. Онно бэркэ оонньоон II миэстэ
буолбуппут. Салайааччыбыт А.Н. Максимов этэ. Ханнык да сбор
иҥин суоҕа, онтон-мантан хомуллан барбыппыт. Ол да буоллар,
бэркэ өйдөһөн ситиһиилээхтик кыттыбыппыт. Светлана Ели­
сеевна Максимова капитаммыт этэ. Хаһан да сыыһа-халты да
таҕыстаҕына кыыһырбата, наар уоскута, хайгыы сылдьар этэ. Ол
оннугар Афанасий Нестерович замечаниета элбэх буолара. Ити