Page 10 - КУнду киьибитин

Күндү киһибитин ахтабыт кэриэстиибит
Чугдаарар чуораан тыаһынан...

Эдьиий саҥа ыалдьан баран саҕалаабыт ахтыыта,
кэнники сатаан салҕаабатаҕа...
Мин 1956 с. кыһын төрөөбүт буолан, кыратык хойутаан «0»
кылааска үөрэнэ киирбитим. Бастакы учууталым Оконешникова
Анастасия Васильевна сүрдээх холку, хаһан да мөхпөт, ылынна-
рыылаах эдэр учуутал этэ. «О» уонна 1-кы кылааска эдьиийбэр
Лукерья Васильевна Аммосоваҕа олорон үөрэммитим. Хаһан да
ыраах быкпатах киһи Егоров оскуолатыгар аан бастаан «Чапаев»
киинэни убайдарбын кытта көрөн куттаммыппын билигин да
умнубаппын. Начальнай кылааска үөрэппит учууталларбыттан
Анастасия Матвеевна Дьяконованы, Гаврил Гаврильевич Трое-
вы куруук истиҥник махтана саныыбын. Иккис кылааска үөрэнэ
сылдьан ыалдьан наһаа уһуннук эмтэнэн кыайан үөрэммэтэҕим.
Интернат-оскуола арыллаатын кытта интернакка киирби­
тим уонна ахсыс кылааһы бүтэриэхпэр диэри олорбутум. Биһиги
кылааспытыгар воспитателинэн Николай Алексеевич уонна Та­
тьяна Алексеевна Курилкиннар үлэлээбиттэрэ. Үлэлэригэр наһаа
бэриниилээх, оҕолорго олус үчүгэй сыһыаннаах этилэр. Сар-
сыарда кэлэн уһугуннараллара, остолобуойга аһаталлара уонна
өссө бэйэлэрэ үөрэтэллэрэ, киэһэ 4 чааска уруок аахтараллара.
Күнү быһа биһигиттэн арахпаттар этэ. Николай Алексеевич саха
тылын, Татьяна Алексеевна биологияны үөрэтэллэр этэ. Оскуола-
быт дириэктэрэ эмиэ оҕолор куттарын туппут, кэлин РОНО сэби-
эдиссэйинэн, СГУ преподавателинэн үлэлээбит, биллэр учуонай
буолбут Иосиф Семенович Портнягин этэ. Ити кэмҥэ үөрэппит
учууталларбын Светлана Ванифатьевна Кургатованы, Светлана
Елисеевна Максимованы, Евдокия Гаврильевна Кривошапкина-
ны куруук саныыбын.
Доруобуйам мөлтөх буолан, кыра кылаастарга физкультура
уруогуттан босхолонор этим. Ону Афанасий Нестерович Мак­
симов үлэлии кэлэн баран, маҥнай индивидуальнай кыра нагруз-
калаах дьарыктаан, оскуолаҕа баскетболга, волейболга, кэлин
чэпчэки атлетикаҕа сүүмэрдэммит хамаанда сүрүн оонньооччу-
та буолбутум. Волейболга оройуон сүүмэрдэммит хамаандатыгар
киирэн, республикаҕа үстэ миэстэлэһэ сылдыбыппыт. Чэпчэки
атлетикаҕа кэлин наар Гаврил Васильевич Бурнашев дьарыктаа-
быта, кэккэ ситиһиилэрдээх этибит, оскуола спорт өттүнэн оро-
йуоҥҥа куруук инники күөҥҥэ сылдьара.