Page 73 - Портнягин. Муру алаас барыбыт биьигэ

Ill I

Illi Illi it Illi III
лиэктэринэн, холкуостарынан төбүрүөннээн олорон, үөрэ-көтө,
наҕылыччы аһаабыппыт. Сылгы кымыһа, буспут сыалаах эт
дэлэччи бэлэмнэммит этэ. Атыыга үөлүллүбүт собо, куурус-
са сымыыта баара. Мүрү соботун сэргэ ыраах нэһилиэктэртэн
Бэйдиҥэ, Биэттэ, Хаспыт курдук аатырбыт сирдэр соболорун
II
аҕалбыт этилэр. Иккис күн ыһыах оонньуута кылыыттан саҕа-
ламмыта. Улахан күүтүүлээх дьонунан Мүрү оскуолатын учуу-
тала Михаил Никииппэрэп уонна Ньукулай Литибиинсэп (кини-
ни Майысыайап диэн ааттыыллара) Өнөр нэһилиэгин киһитэ
буолбуттара. Никииппэрэп Бээрийэ нэһилиэгэр үөскээбит, уу
сахалыы тыллаах-өстөөх нуучча киһитэ, үрдүгэ 180 см кэриҥэ.
Литибиинсэп бааһынайдыы хааннаах, кэтит сарыннаах, синньи-
гэс бииллээх, ортону лаппа үрдүнэн уҥуохтаах киһи. Иккиэн
күөгэйэр күннэригэр, уола хаан саастарыгар сылдьар дьонтон
хайалара ханнык көрүҥҥэ баһыйыахтааҕын туһунан эрдэттэн,
хара маҥнайгыттан кэпсэтии, сылыктааһын бөҕө буолбута.
Кылыы туоһун хамыыһыйа дьоно хара ааныттан олус
киэптээһиннээхтик, түөртүү хаамыынан уурбуттара. Үгүс кыт-
тааччы тута туораабыта, биэстии-түөртүү туоска түһэн көрө-
көрө тохтоон хаалаллара. Никииппэрэп хаста да түһэн, туо-
һу кыра-кыралаан аһартаабыта. Кыттааччылар ортолоругар
Литибиинсэп көстүбэт. Дьон онтон хомойон эрдэхтэринэ, кини
эмискэ баар буола түстэ, туохтан эрэ тардыллан, куоттара сыс-
пыт. Хаста да аһарыллан кэҥээбит туоска маҥан болотуна
баккылаах ырбаахынан түһэн кылбаҥнатан, тиийэн кэбистэ.
Итинтэн ыла кылыыга, ыстаҥаҕа наар кинилэр эриспиттэрэ.
Бастакы, иккис миэстэлэри хардары-таары ыллылар быһыы-
лааҕа. Атыттар ырааҕынан хаалбыттара. Куобахтааһыҥҥа Лө-
гөй киһитэ Элэс Лэгиэнтэй (Мэхээлкин) бастаабыта. Үрдүгү
($ көтүүгэ, бииргэ ойууга Литибиинсэптээҕи кытта Хоро киһитэ
Дэниис Бөтүрүөп эриспитэ. Быаны, билиҥҥи курдук кырыыба-
лыы сүүрэн кэлэн, атахтарын холбуу тутан көтөллөрө. Көтөр
быаларын үрдүгэ хамыыһыйа сорох дьоно төҥкөйбөккө ааһал-
ларынан буоллаҕына, 160-170 сэнтимиэтири көппүттэрэ буо-
луо. Кылыыга түөртүү хаамыы биирдии тобугу түстүлэр диэн
буолбута. Миэтэрэҕэ таһаардахха, төһөтүн ким да билбэт. Балач-
ча кылыыһыт дэнэр дьон букатын ырааҕынан, хаалбыттарынан
буоллаҕына, түөрт уонтан лаппа таһаарбыт буолуохтарын

1111

))