Page 76 - Портнягин. Муру алаас барыбыт биьигэ

1/
үрү алаас - барыбыт биһикпит

Чараҥҥа оройуон ыһыаҕа буолуохтааҕа саас эрдэттэн иһил
либитэ. Ордук кэтэһиилээх дьонунан Литвинцевтээх Михаил Пан
телеймонович буолбуттара. Кинилэртэн хайалара, ханнык кө
рүҥҥэ хотуохтааҕын таайа, билгэлии сатыырбыт, мөккүһэрбит.
Ыһыах бэс ыйын 20-тин диэки буолбута. Өҥ сайын этэ. Талбыт
курдук үтүө күннэр турбуттара. Мин ийэм А.И. Бурцева нэһилиэк,
холкуос уопсастыбаннай олоҕор актыыбынайдык кыттан эрэр
кэмэ. Ыһыах тэрээһинигэр үлэлэспитэ. Мин бырааппыныын аҕа-
бытын кытта барыстыбыт. Чараҥ арҕаа өттүнээҕи хонуу киэбин
тухары киһи бөҕө тоҕуоруйбут.
Нэлээн хатыҥын иһэ эймэҥнэс киһи, ыҥыыр ат. Хайа да ди­
эки хайыс - мааны таҥастаах дьахталлар, эр дьон, оҕолор. Ырыа -
тойук, күө-дьаа кэпсэтии. Хардарыта эҕэрдэлэһии. Трибунаҕа дьон
тахсыбыттара. Обком сэкирэтээрэ Н.Н. Окоемов, Гражданскай сэрии
Дьоруойа Г.В. Егоров, райком сэкирэтээрэ Ф.П. Местников, райсовет
бэрэссэдээтэлэ Д.Г. Слепцов, куораттан кэлбит ыалдьыттар, бастыҥ
холкуостаахтар бааллара. Н.Н. Окоемов дьону эҕэрдэлээн тыл эп-
питэ. Үөрүүлээх чаас кэнниттэн аһааһын буолбута.
Атах оонньуута кылыыттан саҕаламмыта. Михаил Пантелей­
монович түспүт туоһугар ким да чугаһаабатаҕа. Киһи үксэ аҕыйах
туоска түһэн көрө-көрөлөр тохтоон хаалаллар. Кылыыһыттар ор-
толоругар Литвинцев биллибэт. Онтон хомойон эрдэхпитинэ, кини
эмискэ баар буола түстэ. Туохтан эрэ тардыллан, куоттара сыспыт.
Хаста да аһарыллан кэҥээбит туоска маҥан болотуна баркылаах
ырбаахынан түһэн кылбаҥнатан, тиийэн кэбистэ. Итинтэн ыла наар
кинилэр эристилэр. Маҥнайгы, иккис миэстэлэри хардары-таары
үллэһиннилэр. Төһөлүүнү түспүттэрин өйдөөбөппүн, миэтэрэнэн,
сантиметрынан кэмнээһин суоҕа, туоһу тыаһаппыт тиийбитинэн
ааҕыллара. Сорох көрүҥнэргэ тэҥнэстилэр быһыылааҕа.
Михаил Пантелеймонович кылыытыгар туос бүтүүтүгэр кы-
ратык сарбыйар, оттон ыстаҥатыгар аҥар атаҕынан ордук киэҥ-
ник, аҥаарынан арыый дубуктук, хайдах эрэ атаралаан эрэрдии
барара. Литвинцев туос устатыгар биир тэҥник тыастаахтык тэ
биргэччи түһэрэ. Сырсыыга Литвинцевтээҕи кытта уонтан тахс
киһи барбыттара. М.П. Никифоров лаппа илиннээн түспүтэ. Уһу1
атахтаах, үрдүк уҥуохтаах, кыанар баҕайы киһи ыраах-ыраах уур
талаан, сүүрэн таммалаппыта көрөргө сөҕүмэрэ. Хайа да бэйэлээҕ
холун киэптиэх курдуга. Сир үстэн биирэ холобурдаах хаалбыты