Page 31 - Мындааба спортсменнара

___________________________________________________________

тахтар быһыылаах» диэн саныы-саныы олбуорга киирбитим, күүлэ
харбаммыт, олбуор күрдьүллүбүт. Дьиэҕэ киирбитим, хата Ваням
үөрэ-көтө ас астанан остуолун тардына сылдьар эбит уонна кэпсээч-
чи буолла: «Иллэрээ күн үлэм кэнниттэн кэлэн баран хотуо да хотуо,
иһирдьэ-таһырдьа түһүү бөҕө буоллум, оҕолорбунан ыксаан скорай
ыҥыртардым. Скорайдар «муҥурдааҕыҥ быһыылаах» диэн илдьэ
бардылар, хируры ыҥыран көрдөрдүлэр, «сарсын операциялыахпыт»
диэн буолла. Арай сарсыарда уһуктубутум, тугум да ыалдьыбат, таҥас-
пын эрэ ылларбын дьиэлиир эбиппин диэн былааннанным, аккааста-
нар сурук суруйан тумбаларыгар хааллардым уонна наар Мигалкин
уулуссаны тутуһан оргууй аҕай дьиэбэр кэллим, Алексей Аммосо-
вичка, главврачка, аймамматын диэн бэйэтигэр эрийдим. «Дьэ, та-
баарыс, улаханнык сыыстарбыккын быһыылаах, истэр тухары мунур-
даах тэһиннэҕинэ, ыарыыта ааспыт курдук буолан, онно албыннатан
перитониттаан хаалан, элбэхтэ операцияланан, эрэйи көрбүт, онтон
сэдиптээн өлбүттэри да билэбит дии. Эмэ-томо суох ыраах сиргэ сыл-
дьан ыарыйдаххына, туох өрүһүйэр, хайа булка-аска сылдьыспыт да
дьоҥҥор кыбыстыылаах буолаарай?» диэтэ. Онуоха: «Бэйэбин оргууй
кэтэнэн сылдьыам, этэҥҥэ буолаа инибин», - диэтим. Онон «анараа»
дойдутугар бүтүн мунурдаахтаах тиийдэҕэ дии.
Сынньалаҥ кэмигэр айылҕаҕа сылдьарын, бултуурун, сир астыы-
рын сөбүлүүрэ. Сир астыы барарбытыгар эдьиийбит Анастасия Ва-
сильевнаны илдьэ дьиэ кэргэнинэн отоннуурбут, хаптаҕастыырбыт,
моонньоҕоннуурбут, сугуннуурбут. Сир аһын элбэҕи хомуйарынан
тэҥнээҕин булбата. Күннээҕи олоххо сарсыарда биэс чааска туран
сүүрэн, хааман кэлэр халбаҥнаабат режимнээҕэ, алта чааска оһоҕун
оттон баран аҕыска диэри хаһыат ааҕара. Саас аайы ким-хайа иннинэ
бэйэтэ суолун тыырынан хайыһардыыра, кэлин икки сыл «Детканан»
биһирээн дьарыктаммыта.
Суох буолуон икки хонук иннинэ оҕо сааһын доҕоро Колодезни­
ков Ким Петровичтыын стадиоҥҥа чаас болдьоһон көрсүбүттэр,
чугастааҕы эргини кэпсэтэн баран, биһиги аҕабыт сүүрэр дорожка-
ны иккитэ сүүрэн эргийбит, ол кэнниттэн сынньана түһэн баран ити
сирин аны үстэ велосипедынан эргийбит. Доҕордуулар бу бүтэһик
көрсүһүүлэригэр көрөөччүтэ хайҕааччынан, кыттааччыта асты-
нааччынан тарҕаспыттар...