Page 33 - Мындааба спортсменнара

Кини сүбэтинэн Верхоянскай оройуонугар спорткомитет председате-
линэн ананар. Ол үлэлии сырыттаҕына ыҥыран ыланнар Москваттан
кэлбит Иван Васильевич Морозов салайар бастакы тренерскэй семи-
нарыгар сылдьыбыта. Ол саҕана республика элбэх оройуоннарыгар
көҥүл тустууга, гиирэ спордугар, штангаҕа элбэх семинары, улэни
ыыппыттара.
Семен Иннокентьевич киһи быһыытынан сүрдээх боростуой,
элэккэй, элбэх кэпсээннээх, оҕону кытта оҕо, кырдьаҕаһы кытта кыр-
дьаҕас, күлэ-үөрэ сылдьар буолара. Иллэҥ буоллаҕына эдэр оҕолору
кытта эдэр сааһын санаан мээчиктээн, волейболлаан барара. Биһиги,
оҕолор, Улахан Сиэнньэ диэн ааттыырбыт. Орто сүһүөх кылаастарга
Бороҕоҥҥо үөрэнэрбит, арҕаа даамбанан сылдьарбыт. Бааһынаҕа
сүөһүлэр киирбэтиннэр диэн даамбаҕа сири хаһан, адарай муос-
та оҥорбуттара, ону улахан массыыналар сылдьан дэлби алдьатан
кэбиспиттэрэ. Ону оҥороору туора сыппыт мастарын көтүрэн кэ-
биспиттэрэ, үс эрэ баалкы мастара хаалбыт этилэр. Улахан Сиэнньэ
ортоку маска матассыыкылын көлөһөтүнэн үктэтэн баран (кэлээс-
кэлээх өттө арҕаа сытар маска сөп түбэһэрэ, илин өттө арыый кэтит
этэ) икки мае устун сүүрдэн тахсан баран хаалбыта. Онно сөхпүтүм,
дьоннор матассыыкылы сатаан ыытар да эбиттэр диэн. Семен Инно­
кентьевич техникаҕа сыстаҕас этэ. «Урал» матассыыкылын оҥосто
сылдьар буолара. Байанайдаах булчут.
Аҕалара Иннокентий Егорович сүрдээх булчут, балыксыт оҕон-
ньор этэ. Биһиги күөл кытыытыгар талаһаҕа күөгүлүү турдахпытына
илимин көрөн кэлэн иһэн балыгыттан бэреэрэ. Биһиги үөрүү-көтүү
бөҕөнөн ийэбитигэр таһаарарбыт. Сүрдээх бэһиэлэй, күлэ-үөрэ сыл­
дьар оҕонньор этэ.
Ганя, кыра сааһыттан спорка сыстаҕас
баҕайы этэ. Наһаа үчүгэйдик уруһуйдуура,
сытыы-хотуу, хорсун, куттанан турбат, булу-
гас өйдөөҕө, оскуорас диэтэххэ оскуорас, күүс
диэтэххэ күүс - барыта баара. Мин киниттэн
түөрт сыл аҕа этим, тустууга үөрэтэрим, туста
оонньуур этибит. Национальнай ыстаныыла-
ры ыстанарбыт. Перекладинаҕа тардынарбыт,
арааһынай упражнениены оҥорорбут. Волей­
бол, теннис оонньуурбут. Мин Чурапчыга ба-