Page 92 - Мындааба спортсменнара

ындааба спортсменнара

оҕолордоох дьон холбоһон, эйэ дэмнээхтик, иллээхтик, элбэх оҕоло-
нон олорбуттара.
Ийэ быһыытынан убайдарбар истиҥник сыһыаннаһан, төрөппүт
ийэ тэҥэ көрөн-истэн улаатыннарбыта. Игирэ убайдарым Юркалаах
Валерка иккиэн да олус сэмэй этилэр. Оскуолаҕа үөрэнэр кэмнэригэр
дьон үксэ кыайан араарбаттара үһү, ол иһин «Юрка-Валерка» диэн
ыҥыраллара эбитэ үһү, наһаа майгыннаһар этилэр. Убай киһи Юрка
арыый сымнаҕас, үөрбүт харахтаах буолара. Оттон Валерка кытаа-
нах соҕус көрүҥнээҕэ. Мүрү орто оскуолатын кэнниттэн Советскай
Армияҕа сулууспалаан, ытык иэстэрин төлөөн кэлбиттэрэ. Сельхоз­
техника тэрилтэҕэ үлэлээн, хамнас аахсан, ийэбитигэр күүс-көмө
буолбуттара, дохуоттара сорох түгэҥҥэ бородууктанан, этинэн кэл-
лэҕинэ, биһиги дьиэ кэргэҥҥэ улахан үөрүү буолара, дьоро киэһэлэр
саҕаланаллара.
Аҕабыт ыарахан ыарыыттан эрдэ олохтон туораабыта, биһиэхэ
саамай ыарахан кэм этэ. Аҕабыт өссө баарына, хаптаһынынан теннис
остуола оҥорон, элбэх ыччат кэлэн, биһиги тэлгэһэбитигэр оонньоо-
бут буолуохтаах. Кыһыҥҥы кэмнэ дьиэбитигэр аһыыр остуолбутугар
кинигэлэри туруоран баран, онно теннистииллэрэ. Убайдарбыт наһаа
үчүгэйдик мээчиктээн, теннистээн үөрэллэрэ-көтөллөрө.
Убайым Юрка Өлүөхүмэ техникумун бүтэрэн, электрик идэ-
тин ылан, Таатта улууһун Хара Алданыгар үлэлии барбыта уонна
сүрэҕинэн ыалдьан, олус хомолтолоохтук бу орто дойдуттан барбыта.
Валерка сварщик идэтин ылан, бу идэтинэн өр кэмҥэ үлэлээбитэ.
Бэйдиҥэ бөһүөлэгэр олохсуйан, дьиэ туттан олорбута, икки уол оҕо-
ломмута. Кыһыннары-сайыннары ыар үлэҕэ сылдьан, доруобуйата
мөлтөөн, өр кэмҥэ эмтэнэн көрбүтэ да эмиэ уһаабатаҕа, бу орто дой­
дуттан эрдэ туораабыта. Саҥаспыт Александра билигин Бэйдиҥэҕэ
олорор. Уолаттар иккиэн үрдүк үөрэҕи бүтэрэн, үлэһиттэр. Куоракка
олороллор, аныгы олох сиэринэн, ипотеканан иккиэн дьиэ ылан оло-
роллор. Улахан уол Юра бухгалтер идэлээх, «Туймааданефть» биир
сүрүн үлэһитэ, кэргэннээх, оҕолоох. Аччыгый уол Валера ХИФУ авто-
дорожнай факультетын бүтэрэн, ООО «Строй-Мост» маастара.
Убайдарым туһунан үтүө өйдөбүлбүн сүрэхпэр илдьэ сылдьабын.

Клавдия Егорова,
балтылара