Page 13 - ОДД Номоххо киирбит буойун

Хабырыыс улаатан, аҕаларыгар илии-атах буолбуттарын кэн-
нэ, арҕаа тыатын солоон, өтөҕүн уларытан саҥа сытыары
дьиэ туттубут. Онно Миитэрэй оҕо, эдэр сааһа байыаннай ос-
куолаҕа курсанынан киириэр диэри ааспыттар.
Оллоновтор олорбут сирдэрэ, Түүлээх, син атын сирдэр
курдук, кэрэ айылҕалаах. Ууланар күоллэрэ Хатыҥнаах аат-
тыын хатыҥнаах. Иилии хатыҥнарынан симэммит күөл. Өтөх
сол тэҥэ. Үрүйэлэригэр, сыһыыларыгар оттоммут, оттук мас-
тарын мастаммыт, бултуур-алтыыр сирдэрэ — Мэскэрдээх,
Таастаах тыалара. Кыһыннары-сайыннары балыктыыр эбэ-
лэрэ — Алланнара кинилэртэн түөрт биэрэстэ. Туулаабыт Ха­
ра Мастарын үрэҕэ, сөтүөлээн чомполоммут Ханчыларын үрэ-
ҕэ, үрүмэччилэрдээх Хонуу, дьонугар оттоһон баран Миитэрэй
өрүскэ сөтүөлүү сүүрэр Боодьоонун кырдала — барыта кэрэ
сирдэр. Тула сир аһын эгэлгэтэ. Сааһын туруйа хаһыыта,
куртуйах охсуута, көтөрүн-сүүрэрин аҕарымнаабат саҥата.
Дьоҥҥо үйэлэригэр дэҥҥэ көстөр кыталыктар түһэн олорол-
лорун саас түбэһэ түһэн көрөн, Миитэрэй олус үөрбүт сирэ —
Хоту Үөс. Бу барыта Миитэрэй сүрэҕэр дойдутугар үйэ-саас
уҕараабат истиҥ тапталы иитиэхтээбиттэрэ.
Оройуон уһук нэһилиэгэр оскуола 1920 сыллаахха аан
маҥнай аһыллыбыта. Үлэтин саҕалаан иһэн, бандьыыттар өрө
тураннар, тохтообута. Өрүү оҕолорун иитэргэ кыһалҕалаах
дьон, Миитэрэй олорбут ыалыгар кыстаатын диэн, оскуолаҕа
киллэрбэтэхтэрэ, сэтинньиттэн оскуола үлэтин хаттаан саҕа-
лаабытыгар эрэ үөрэттэрэ ыыппыттара.
Куолутунан, ыал сүөһүлэрин көрөн кыстыахтаах уол, хо-
тоҥҥо үлэлии сылдьан, саах эһэр түннүгүнэн сыарҕалаах
оҕустаах улахан эдьиийэ Маайа кинилэргэ кэлбитин түбэһэ
көрө биэрбитэ. Кыһынын дьоно киниэхэ кэлэ сылдьыбаттара.
Кини да бара сылдьыбата. Таҥаһа суох буолан кыс устата
хотоҥҥо хаайтарара. Эдьиийэ кэлиитэ киниэхэ соһуччу этэ.
Үөрэн, күрдьэҕин элитэн кэбиһэн баран, атах сыгынньадын
хаарга быыралаан, тоҕо кэлбитин билээри, эдьиийин таһыгар
биирдэ баар буола түспүтэ.
— Эдьиэй, ханналаатыҥ? Эдьиэй, Настаалаахха Мааты-
кааҥҥа бардыҥ дуо?
Сурдьун өйдөөн көрбөтөх эдьиийэ соһуйан оҕуһун үрдүгэр
эргичиҥнии түспүтэ. Уол атах сыгынньаҕын көрөн аймаммыта:

9