Page 17 - ОДД Номоххо киирбит буойун

олорор уус киһиэхэ сытыылаттаран, хотуурдарын тууратын
сайынын адаарга тосту оҕустахтарына, салҕаттаран кэлэрэ.
Миитэрэй кыһалҕалаахтык улаатан дьон кыһалҕатын эмиэ
өйдүүрэ. Былыргы ыаллар күннээҕи түбүктэриттэн ордубак-
ка, киэһэ аһыахтаах бурдуктарын киэһэ тардынан аһыыллара.
Киниттэн тэйиччи ыал кыра кыыстара дьоно биэрбит сиэмэлэ-
рин кыайан тардыбакка муҥнанарын көрөн, аһынан, дьиэти-
гэр түбүктээх да буоллар, быыс булан кэлэн, бурдугун тардан
биэрэрин Алексеева Ульяна Степановна сааһыран олорон мах-
тана ахтара. Былыргы оҕо түбүккэ сылдьар төрөппүттэрин
соруктарын хайаан да толоруохтааҕа.
Бандьыыттар өрө туруулара мэһэйдээн, оскуолаларын үлэ-
тэ тохтоон баран, 1924 —1925 үөрэх сылыттан, дьэ, тургул
үлэлиир буолбута.
1925 сыл кыһын алдьархайдаах испанка ыарыыта туран,
ыал ыалынан сыппыттара. Кырдьаҕастар өлүтэлээбиттэрэ. Та-
һырдьа таҕыстахтарына, бэл, салгыннара буруолаах курдуга.
Ол иһин бу ыарыыларын буруолаах испанка диэн ааттаабыт-
тара. Нэһилиэк киинигэр, Кылаайыга, икки эрэ киһи —
Оллонов Дмитрий Данилович, Винокуров Афанасий Федоро­
вич ыалдьыбатахтара. Бэйэ-бэйэлэриттэн ыраах-ыраах тар-
ҕанан олорор ыаллары бу өлүөр ордубут икки киһи өлүү-
лэһэн, сарсыарда хайа ыал буруота оһохторун үөлэһиттэн
тахсыбатаҕынан корон, оһохторун оттон, мастарын мастаан,
ойбоннорун алларан, сүөһүлэрин корон биэрэллэрэ. Ыаллары
ыар ыарыы кэмигэр абыраабыттара.
Миитэрэй Түүлээххэ үөрэнэр кэмигэр улаатан, аны кыра
оҕо эрдэҕинээҕитин курдук, Ханчытын үрэҕин чычаас ууту-
гар чомполоммот. Былыргы ыаллар иһэр күөллэрин уутугар
бэйэлэрин да оҕолорун сөтүөлэппэттэрэ. Оҕолор киһи уулам-
мат ыраах уутугар баран сөтүөлүүллэрэ. Аллан эбэтигэр
киирэн сөтүөлүүрэ. Ууһута бэрт буолан, Чэйэ биэрэгиттэн
уҥуор-маҥаар туораталыы харбыыра. Эбиитин өрүскэ хар-
баан киирэн уһуннук умсарга эрчиллэрэ. Кэлин онто уҥа
атаҕын бөтөҕотүгэр бааһыран баран, Сож өрүһү харбыырыгар
туһалаабыта. Омскайга пехотнай оскуолаҕа үорэнэр кэмигэр
Томскай куоракка сборга сылдьан, Томь өрүһү умсан туораан,
бииргэ сулууспалыыр дьонун сөҕүү бөҕөлөрүн сөхторбүтэ.
Түүлээх үс кылаастаах оскуолатын бүтэрэн, үөрэҕин
салгыыр баҕалаах Миитэрэй 1927 сыл күһүнүгэр Чымынаайы
13