Page 15 - ОДД Номоххо киирбит буойун

һэҕээҥҥэ диэри ыал кыараҕас, хараҥа хотонугар сүөһү көрө
сылдьыбыт оҕо хараҕар барыта остуоруйаҕа курдук олус со-
нун буолан көстүбүтэ.
Учуутал сүүнэ улахан, ыраас маҥан илиистэри ордуга-
хоһута суох тэҥнэтэлии тута-тута кыччатан бирииппэнэн
быһыталыыр. Быһыталаабыт ыраас кумааҕыларын бүк тута-
тута тус-туһунан тарҕатан, үрдүлэригэр уһуктаабыт харан-
даастарын аҥаардыытын уурталыыр.
— Ити эһиги үөрэнэргитигэр бэлэмниир, — оскуола ос-
туораһа эмээхсин Миитэрэй кулгааҕар сибис гыммыта.
Эмээхсин чэйгэ ыҥыртаабыта.
— Аатыҥ ким диэний? — Миитэрэйтэн учуутал чэйдэһэ
олорон ыйыппыта.
— Оллооноп Миитэрэйбин, — уол учуутал ыйытыытыгар
лоп-бааччы чобуотук хардарбыта.
— Үөрэххэ киирээри кэллиҥ дуо?
Миитэрэй иһигэр олус баҕарар санаатын этиттэрэн, симит-
тэн саҥата суох кэҕис гыммыта.
— Үөрэттэрэн көрөөрү, суруйтара аҕаллым, — диэбитэ
ийэтэ.
— Сөп-сөп, үөрэниэҕэ, — диэбитэ учуутал. — Элбэх оҕо-
лоох эбиккин. Пансион харчытыттан төһө кыалларынан кө-
мөлөһүөхпүт.
Учууталлара Платон Афанасьевич Ушницкай — дьадаҥы
ыал оҕото. Төрүт үөрэхтэниэ суоҕун олоҕор буолбут дьикти
түгэн үөрэхтээбитэ. Дүпсүн улууһун кулубата Никифоров Ва­
силий Васильевич-Күлүмнүүр уолун Валерианы соҕуруу Ка­
зань куоракка учуутал семинариятыгар үөрэттэрэ ыыппыта.
«Уолум соҕуруу үөрэнэригэр олус тэһийиэ суоҕа», — диэн
күөсчүтүнэн дьадаҥы киһи оҕотун Платону доҕордообута.
Уола үөрэҕин кыайбакка уурайбыта. Кини оннугар күөсчүтэ
Платон үөрэнэн семинарияны ситиһиилээхтик бүтэрбитэ.
Дойдутугар, Нам улууһугар учууталлаабыта. Намҥа учуутал-
лаабыт кэмигэр биллиилээх дьону: Максим Кирович Аммо­
совы, Илья Егорович Винокуровы үөрэппитэ. Араас сирдэргэ
учууталлаабыт кырдьаҕас учуутал Түүлээххэ оҕолору үөрэтэ
кэлбитэ. Өртөн, өссө ыраахтааҕылаах былаас баарыттан, Түү-
лээххэ оскуола аһылларын туруорсубут олохтоох Алексеев
Конон Степанович-Уутунньук Куонаан табаарыһын Платон
Афанасьевич Ушницкайы учууталлата аҕалбыта.
11