Page 24 - Василий Сивцев. Производство хамандыырдара

Быйылгы кыстыкка эбии аһылык быһаарар суолталааҕын кормо­
кухня үлэһиттэрэ дьиҥ дьыаланан дакаастаабыттар. И.И. Портнягин,
Н.П. Кривогорницын, Д.И. Заровняев хас биирдии сүөһүгэ 30-40 киилэ
үчүгэй хаачыстыбалаах көөнньөрбөнү оҥороллор. Ити түмүгэр кини-
лэр үлэлиир фермаларыгар ыччат сүөһү үчүгэйдик эбиллэр, ыанньык-
сыттар өлгөм үүтү ыыллар.
Кыстык кыһалҕатын отделение механизатордара бэйэлэрин дьу-
луурдаах үлэлэринэн быһаарсаллар. Тракторист Егор Кривошапкин
дулҕаны, талаҕысатабыллаахтыкастаран эбии аһылыгы бэлэмнээһиҥҥэ
төһүү үлэһитинэн буолбут. Кини табаарыстара В. Готовцев, икки М.
Неустроевтар Кэбээйиттэн оту таһыыга ситиһиилээхтик кыттыбыттар.
Аны, бөдөҥ сүөһүнү этэҥҥэ кыстатан таһаарары сэргэ, саҥа төрүө-
ҕү энчирэппэккэ иитии, сүөһүттэн ылыллар бородууксуйаны салгыы
үрдэтии, племенной үлэни, саптарыы хампаанньатын тэрээһиннээхтик
ыытыы курдук отделение олоҕор уһулуччу суолталаах боппуруостар
быһаарыллыахтаахтар. Бу тэрээһин үлэлэр биллэн турар салайааччыт-
тан быһаччы тутулуктаахтар. Санаабыт курдук, барыта сыа-арыы кур­
дук иҥнибэккэ туолан, толоруллан иһэр буолбатах. Хантан эрэ, ханна
эрэ тиийэн иҥнэн, туормастанан хаалар түбэлтэлэрэ эмиэ бааллар. Ол
барыта Гаврил Алексеевич күннээҕи үлэтин быстыспат сорҕото. Ыраах
Кэбээйи сириттэн оту тиэйии, миэстэҕэ эбии аһылыгы бэлэмнээһин,
тиэйтэрии, сааскы ыһыы үлэтигэр бэлэмнэнии Гаврил Неустроевы
утуйар уутун аймаабыта ыраатта...
Общественнай сүөһү быйылгы кыстыгын быйыл эмиэ ханан
даҕаны эбии аһылык быһаарар суолталаммыт. Ол бэрээдэгинэн орой-
уон үрдүнэн кыстыгы оҕустарыыта суох түмүктээһиҥҥэ биллэрил-
либит охсуулаах ыйдар бастакы күннэрэ саҕаланнылар. Бу тэрээһин
үлэлэргэ Суотту отделениетын салалтата былааннаах үлэни киэҥ
далааһыннаахтык ыыта сылдьара көһүннэ. Нэһилиэк шефтээх тэ-
рилтэлэрэ фермаларынан сыһыарыллан үлэлии сылдьаллар. Ол кур­
дук, олохтоох сэбиэт, культура, эргиэн, оскуола, оҕо тэрилтэлэрин 45
үлэһитэ оройуон үрдүнэн биллэриллибит субуотунньукка кыттан үлэ
үрдүк оҥорумтуотун көрдөрбүттэр. Кинилэр тустаах үлэлэрин толоро-
толоро, график быһыытынан сыһырыарыллыбыт отделениеларыгар,
биригээдэлэригэр, фермаларыгар кыстык ыарахаттарын туоратыыга
практической көмөнү оҥоруулара үтүө үгэскэ кубулуйбут.
— Бүгүн субуотунньукка нэһилиэк сулууспалаахтарыттан 33 киһи
уонна шефтээх эргиэн тэрилтэтиттэн 18 киһи кыттыыны ылла. Кини­
лэр күүстэринэн анньыллыбыт 92 тонна дулҕа тиэйиллэр гына чөмөх-
төммүтүттэн 52 тонната хотоннор тастарыгар киллэрилиннэ, — диир
тириппит-хороппут рабочай таҥастаах, субуотунньугу салайар со­
вхоз зоотехнига Василий Павлович Свинобоев. Василий Свинобоев
управляющайын кытары кэпсэтэриттэн иһиттэххэ, биригээдэлэргэ
22