Page 20 - Василий Сивцев. Производство хамандыырдара

атыылааччынан, сэбиэдиссэйинэн үлэлиир сылларыгар олохтоохтор
итэҕэллэрин ылыан ылбыта. Эргиэн эриирдээх-мускуурдаах систиэ-
мэтигэр эриллэн, нэһилиэнньэ наадыйар табаардарын анаан-минээн
эккирэтэн аҕалара. Ол иһин, Николай Алексеевич маҕаһыыныгар, бэл,
Маттаттан, Балыктаахтан тиийэ элбэх киһи кэлэрэ, кыракый маҕа-
һыынтан наадалаах табаардары атыылаһан үөрэн-көтөн бараллара.
Николай Неустроев нэһилиэк общественнай олоҕор активнайдык кыт-
тара, сыанаттан түспэт ырыаһыт, тэҥнээҕэ суох үҥкүүһүг бэрдэ этэ.
Нэһилиэк сэбиэтин депутатынан, быыбар комиссиятын чилиэнинэн
элбэхтик талыллыбыта. Маҕаһыыҥҥа үлэлиир сылларыгар коммунис-
тическай үлэ ударнига, социалистическай куоталаһыы кыайыылааҕа,
эргиэн тэрилтэтин туйгуна бэлиэлэринэн наҕараадаламмыта, үлэ, тыыл
ветерана. Балта А.А. Неустроева I сэрии сылларыгар араас үлэлэргэ
сылдьыбыта. Колхозка, совхозка ыанньыксыггаабыта. Үлэ, тыыл ве­
терана. Биир балта А.А. Неустроева II колхозка ыччат сүөһүнү көрүүгэ
үлэлээбитэ. Кэнники Бороҕоҥҥо пекарняҕа, кинотеатрга, «Сардаа-
на» детсадка иитээччи көмөлөһөөччүтүнэн сылдьыбыта. Үлэ ветерана.
Кыра балта М.А. Неустроева-Спиридонова идэтинэн культура үлэһитэ.
Кулуупка, детсадка үлэлээн пенсияҕа тахсыбыта. Дьэ, ити курдук Хабы-
рыыс бииргэ төрөөбүттэрэ араас идэлээх үлэһит дьон буолан, үтүө май-
гыларынан дьон-сэргэ ытыктабылын, үлэҕэ эриллэн тустаах идэлэрин
толору баһылаабыттара элбэҕи көрдөрөр.
Гаврил Неустроев Суоггуга үлэлээбитэ ыраатта. Өссө 1961 сыллаах-
ха оройуон биэс нэһилиэгин холбоон улууска биир бастакынан «Лена»
диэн ааттаах улахан совхоз тэриллибитэ. Бастаан утаа кини Суотту
учаастагын сэбиэдиссэйинэн ананан үлэлээбитэ. Совхоз тэриллиэн
иннинэ «Лена» колхозка босхоломмут партийнай тэрилтэ секретары-
нан быыбардаммыта. Манна эбии ситэрэн этэр буоллахха, сэбиэскэй
былаас кэмигэр партия бары сэбиэскэй, хаһаайыстыбаннай тэрилтэ-
лэр үлэлэрин бэйэтин хонтуруолугар ылара, наада диэтэҕинэ отчуот-
татара, кадрдары номенклатуратыгар киллэрэн, аналларынан кыахта-
рын сөптөөхтүк көрөн үлэлэтэрэ. Итинник ирдэбилинэн салайтаран
Гаврил Алексеевич 1943 сылтан ыла партия райкомун номенклатур-
най үлэһитинэн, партия эрэллээх саллаатынан буолбута. Партия хан-
на наада диэбит сирдэригэр ыыттаҕына чиэстээхтик толороро. Дьэ,
ол иһин оройуоҥҥа хаһаайыстыбаннай үлэҕэ уопуттаах салайааччы
быһыытынан сөпкө сыаналанара.
...Суоттуга командировкаҕа киирэ сылдьан наадалаах киһибин
көрсөөрү, сарсыарда эрдэ үлэ чааһа саҕаланыан быдан иннинэ отделе­
ние хонтуора дьиэтигэр тиийэбин. Кэҥэс тупсаҕай хоско киһим теле-
фонунан государствоҕа туттарыллыахтаах ыччат сүөһүтүн туһунан кэп-
сэтэ, быһаарса олорор эбит. Кыратык кэтэстим. Өр буолбата, наадатын
быһаарсан бүтэн, дьэ ирэ-хоро, наҕылыччы сэһэргэһэбит.

18