Page 86 - Василий Сивцев. Производство хамандыырдара

— Биһиги колхозтаахтарбыт сыралаах үлэнэн ситиспит сэмэй кы-
айыыларын хаан-уруу Коммунистическай партиябыт уонна Советскай
правительствобыт үрдүктүк сыаналаан, Үлэ Кыһыл Знамята уордьаны-
нан наҕараадалаабыттарын иһин муҥура суох махтанабыт уонна ис
сүрэхтэн үөрэбит, — диир Г.К. Колесов. — Хомустаах биригээдэтэ ах-
сыс пятилетканы ситиһиилээхтик толорон, колхоз маннык үрдүк
наҕараадаларга тиксиитигэр бэйэтин сэмэй кылаатын киллэрбитинэн
биригээдэ колхозтаахтара ис сүрэхтэриттэн үөрэллэр уонна киэн тут-
таллар. Биһигини бу үрдүк наҕараада элбэххэ эбээһинэстиирин өй-
дүүбүт. Коллектив хас биирдии үлэһитэ туох ханнык иннинэ үрдүк
наҕараадаҕа эппиэттээн, тохсус пятилеткаҕа өссө күүрээннээхтик,
таһаарыылаахтык үлэлиэхпит.
Колхозтаахтары үрдүк наҕарааданан эҕэрдэлээн ССКГТ райкомун
бастакы секретара С.С.Аржаков, райсовет исполкомун председателэ
С.Г. Охлопков, ыаллыы колхозтар, оройуон тэрилтэлэрин бэрэстэбии-
тэллэрэ истиҥ тыллары эттилэр.
Үс үрдүк наҕараадалаах Партизан Заболоцкай аатынан колхоз биир
чилиэнин быһыытынан кыттыыны ылбытыттан Гаврил Кирилло­
вич сүргэтэ көтөҕүллэн өссө саҥа ситиһиилэри ылар баҕа санаата
күүһүрбүтэ.
Хомустаахтар тохсус да пятилеткаҕа киирэн баран үлэлэрэ-хам-
настара киһи санаатын курдук эриэ-дэхси үчүгэйдик саҕаламмыта.
Биригэдьиир үлэһиттэрин көрдөрүүлэриттэн астына сылдьар диэтэх-
хэ сыыстарбата буолуо. Пятилетка устата 2796 ынах сүөһүнү иитэн,