Page 87 - Василий Сивцев. Производство хамандыырдара

29730 центнер эти оҥороннор, 146830 центнер үүтү ыаннар туһааннаах
былааннарын 109-113 бырыһыан толортообуттара.
Манна ССКП чилиэнэ Г.К. Колесов уон сыл биригэдьииринэн
улэлээн дьонун-сэргэтин кытары уопсай тылы булан «эн-мин» дэсиһэн,
үөрүүлэрин, хомолтолорун тэҥҥэ үллэстэн кэлбитэ. Биллэн турар, үлэҕэ
үрдүк ситиһиини ылыыга колхозтаахтар дьулуурдара, кинилэр баҕалара
кырата суох оруоллаахтар. Ол эрээри, үлэһиттэри кыахтарынан, сата-
былларынан сөпкө аттаран туруоруу, көҕүлээһин, ааҕан-суогган үлэни-
хамнаһы ыытыы кырата суох суолталаахтар.
Дьэ, ол иһин бүгүн биһиги саамай эппиэттэх, сыралаах үлэлээх про­
изводство хамандыырын, биригэдьиир Гаврил Кириллович Колесов
олорбут олоҕун, үлэлээбит үлэтин туһунан билиһиннэрдибит. Бэйэтин
үлэһиттэригэр өрүү эйэҕэстик, кинилэр олохторун-дьаһахтарын үчү-
гэйдик иҥэн-тоҥон билэн сыһыаннаһар буолан, улахан убаастабыл-
ларынан туһанара, кини этиититгэн, сүбэтиттэн тахсыбат буолалла-
ра. «Гаврил Кириллович дуо? Кини инньэ диэбитэ. Биригэдьииринэн
да бэрт, сирдэрбэт, атын хара да үлэттэн иҥнэн турбат, кыайыылаах-
хотуулаах киһи», — диэн үлэһиттэрэ үрдүк сыанабылы биэрэллэрэ
оруннаах. Хайа эрэ тэрилтэҕэ, хаһаайыстыбаҕа искэр бэркэ диэн
наадыйан иһэр буоллаххына, ол тэрилтэҥ салайааччыта эн наадаҕын
туох диэн быһааран ыытыаҕын туһунан баҕарбатаҕыҥ да иһин өйгөр
охсуллан ааһар буолуохтаах. Өскөтүн уопсай тылы булан, уһун кэмҥэ
быһаарыллыбатах боппуруоһуҥ олоххо киириэх курдук быһаартаран
араҕыстаххына, дууһалыын чэпчээн, санаалыын ырааһыран, бэл төбөҥ
сынньаммыкка дылы буолан ылааччы. Киһи-киһи наадата, кыһалҕа-
та араас буолар. Оттон салайааччы үлэтэ хаһан да бүтэр уһуга биллибэт
баһаам бииртэн-биир солбуйсан кэлэ турар. Онон, эн наадаҥ санаабыт
курдуктута быһаарыллан испэтэ чуолкай. Ол гынан баран, хас биирдии
салайааччы дьону иитии боппуруоһугар уопсай дьаһала, тылын-өһүн
культуратаатын-атын буолар. Ол кини уопсай билиитин таһымыттан, тус
бэйэтин культуратыттан уонна уопсай дьыалаҕа төһө бэриниилээҕиттэн
тутулуктаах. Холобур, оннук дьоннор төһө даҕаны иллэҥэ суох сырыт-
таллар эбэтэр улахан наадаҕа бараары сылдьар кэмнэригэр, эн наадаҕын
сапсыйан кэбиспэттэр. Аккаастыыр да түбэлтэлэригэр бэйэҥ астынар
гына, лоп-бааччы быһааран ыыталлар. Хомойуох иһин, бу хаачыстыба
салайааччыга барытыгар кыайан бэриллибэт. Оттон маннык үтүө хаа-
чыстыбалар мин кэпсиир биригэдьиирбэр толору бааллар. Партизан За-
болоцкай аатынан совхоз Тулунатааҕы отделениетыгар бииргэ үлэлиир
кэммитигэр быһаарыллыбатах боппуруоһунан сүөһү ыарахан үлэтигэр
ыанньыксыты, сүөсүһүтү солбуйууга үлэһити көрдөөһүн буолара. Гав­
рил Кириллович нэһилиэгин дьонун туох кыһалҕалаахтарыгар, ким
тугунан тыынарын ааҕа билэрэ. Ыал дьиэтин тэлгэһэтигэр киирээт
даҕаны отун-маһын, мууһун, тус хаһаайыстыбатын чинчийэ көрөрө.
85