Page 13 - Өрүкүйэр сүрэҕэ өрүү инники. (Голиков Николай Леонидовичка ананар)

кубарыттым. Ол тухары маҕаһыын бөҕөтүн ааһабыт. Аны уолбут баппак-
ка барда: «Маҕаһыынтан киирэн атыылаһыахха», - диир. Ону мин: «Ити
маҕаһыыннар буолбатах, хонтуоралар. Маҕаһыыннар аһылла иликтэр», -
диибин. «Куоракка туох ааттаах элбэх хонтуора баарый?» - диэн уолум
кыыһырар. Киһибит кэнникинэн иэдэйэн барда, ол иһин мин Баһылайга:
«Хайа эрэ маҕаһыыҥҥа тохтоор эрэ, оҕобут сатанымаары гынна», - диэ-
тим. Баһылайбыт маҕаһыын таһыгар тохтоото.Уолбар араас минньигэс ас,
утах, фрукта, мороженай ылан, айаҕын бүөлээтибит. Саппаас чааспытын
ылан баран, Строительнай ырыынакка тиийэн, сварка электродун ылан
төлөөрү турдахпына, атыыһыт нуучча киһитэ ойоҕоспун ыйда. Көрбү-
тум: уолум газосварщик ачыкытын кэтэн баран турар эбит. Атыыһытым:
«Сварочные очки тоже берете?» - диэн ыйытта. Мин «нет» диэн баран,
уолбун мөҕөн барбыппар атыыһытым оҕобун аһынна быһыылаах, «пус­
кай заберёт» диэн кэбистэ. Оҕом оннук босхо ачыкыланан, үөрэ-көтө массыынабытыгар олорон,
Столичнай ырыынакка тиийдибит. Уолум бэйэтэ көрөн, футболка, шортик, бейсболка ыллыбыт, онтон
Колик: «Балтыбар Айсенаҕа бейсболка кэһии ылабын», - диэн, биири талан ылла. Мин төлүү турдах­
пына, уолум оонньуурдарга тиийэн баран, сотору соҕус төннөн кэлэн этэр: «Паапа, онно робот баар,
миэхэ ону атыылаһан биэр, оччоҕуна мин эйигин куускэ да күүскэ сыллыам», - диэтэ. Оҕом саҥата да
улахана, атыыһыт ону истэн: «Уу, оҕоҕор ылан биэр ээ», - диэн, робот оонньуурбутун атыыластыбыт.
Уолум, эрэннэрбитин курдук, сырылаччы сыллаан ыллаҕа дии. Атыыһыппыт, хата, биһигиннээҕэр ор-
дук үөрэн турар этэ. Дьэ, итинник биирдэ оҕобунаан куоракка куулэйдээн турардаахпыт.

М О Х С О Ҕ О Л У М , УОЛУМ...

Уолбут оскуолаҕа киирбитин кэннэ кэтэх хаһаайыстыбабытыгар эһэбитин кытта оттуур этибит.
Эһэбит Исаков Исак Владимирович диэн. Кини «Синтай» тыраахтарын Коля илдьэ сылдьааччы. Ол
тыраахтарынан от охсор буолбута. Тыраахтарын косилкатын көрөн, сэлбийэн биэрэр, үөрэтэр этибит.
Үрдүкү кылаастарга үөрэнэригэр күһүн оскуолаттан көҥүллэтэн, окко илдьэ сылдьарбыт. Үһүөн эрэ
оттуурбут. Онон оҕом кыра эрдэҕиттэн илии улэтигэр эриллэн, бэйэтин балачча кыанар, сытыы-хотуу
буола улааппыта.
Спорт көрүҥнэриттэн баскетболу, волейболу, футболу ордороро. Сүүрүүгэ, атах оонньуутугар эмиэ
куһаҕана суох көрдөрүүлээҕэ. Коля ыһыах күрэхтэһиилэригэр кыттан, бириис бөҕөтүн аҕалан соһу-
талыыра да, үөрдэрэ да. Найахы ыһыаҕар мэлдьи күрэхтэһэрэ. Биһиэхэ: «Күрэхтэһиигэ сылдьаайах-
хыт, эһигини көрдөхпүнэ, илиим-атаҕым бааллыа», - диэн бопсоро. Улахан күрэхтэһиилэргэ кыттар
сыал-сорук туруорунан, кэнники наар многоборьенан дьарыктанар буолбута. Улуус, өрөспүүбүлүкэ
таһымнаах күрэхтэһиилэргэ кыттан миэстэлэһэрэ, онон мэтээлэ үгүс.
Оскуоланы бүтэрэригэр ханнык үөрэххэ киириэн баҕарарын ыйыппытым. Ону кини: «Бастаан аар-
мыйаҕа барыам, МЧС үөрэҕэр киириэм этэ»,-диэбитэ. Ону мин: «Бастаан үөрэн.ол кэнниттэн аармы-