Page 18 - Өрүкүйэр сүрэҕэ өрүү инники. (Голиков Николай Леонидовичка ананар)

СҮРЭҔИМ ЧОПЧУТА - КЫРАКЫЙ УОЛЧААНЫМ

Коля - биһиги ыалга саамай аччыгый оҕобут. Уолчааммыт эрдэ тылламмы-
та, эрдэ хаампыта. Аан бастаан саҥарбыттыла «паапа» диэн. Кыратыгар на-
һаа ытанньах этэ, ол иһин буолуо, олус дорҕоонноох саҥалааҕа. Аны кыра да
буоллар, бэйэбитин эккирэтэн, сарсыарда 4-5 чааска туран кэлэрэ. Ол иһин
хотоҥҥо тахсарбытыгар видик, мультик холбоон кэбиһэрбит. Күнүс, ынахтар-
бытын уулатар кэммитигэр, уолбут хотоҥҥо сылдьыһара. Уһун ураҕас тутан,
сүөһүлэрин уулата барааччы. Сүөһүлэрэ бэйэтиттэн үргэн, сүүрүүнэн баран
кэлэллэрэ. Эбиэттэн киэһэ наар аҕатын кытта сылдьара. Онон оҕобутаҕатын
тыраахтарын тыаһын эндэппэккэ билэрэ.Таһырдьа тыраахтар тыаһын иһиттэ
да, «паапа кэллэ» дии-дии, төттөрү-таары сүүрэкэлиир, үөрэр-көтөр буолара.
Ол курдук дьиэ ис-тас үлэтигэр тэбис-тэҥҥэ сырыттаҕына, ыалбыт ийэтэ Зинаида Афанасьевна: «Коля,
тоҕо дьыссаакка сылдьыбаккын? Дьыссаакка сылдьыбатах оҕолору оскуолаҕа ылбаттар»,- диэтэ. Ки-
һибитону истээт да, бэлэмнэнии бөлөҕөр барар буолла. Күһүҥҥү ый буолан,2 сыл сылдьыбыта. Арай
биирдэ улуустан фотограф кэлбит. Оҕом дьыссаатыттан, улахан сонуннаах киһи быһыытынан, үөрэн-
көтөн кэлэн: «Мин человек-паук хаартыскатын оҥортордум»,-диэн кэпсээбитэ.Аны дьыссаакка сыл-
дьан, күрэхтэһэр аҕай этэ. Кыайан-хотон кэллэҕинэ, киһиэхэ барытыгар үөрүүлээх сонунун ыһа-тоҕо
кэпсиирэ.
Сайынын Колигы аҕата звеноҕа окко илдьэ сылдьара, кыһынын даҕаны тыраахтарыгар олордо
сылдьарын наһаа сөбүлүүрэ. Оннооҕор тыраахтарга утуйар миэстэлээх буолааччы.
Уолум саас чалбах таҕыстаҕына, ууну кэһэрин наһаа сөбүлүүрэ. Ону ыалбыт Анастасия Фомина
көрөн: «Колик сүүрэрин-көтөрүн, хамсанарын олус сөбүлүүр оҕо, онон чалбаҕы кэһэрин бопсума.Уу
киһини уоскутар, өйүн-санаатын сааһылыыр, сайыннарар күүстээх», - диэбитэ. Ону ылынаммын, оҕом
уларыттар таҥаһын-сабын, хас даҕаны саппыкыны эрдэттэн барытын бэлэмнээн кэбиһэр буолбутум.
Хойутаан оҕоломмут буоламмын (эдьиийдэрэ уонна убайа улаатан, улэһит буолан барбыттара),
уолбут улахан киһи курдук иитиллибитэ. Дьиэ иһигэр аҕата хачыаллаах, турниктаах, эркиҥҥэ сыста
турар кирилиэстээхуонна канаттаах спортивнай муннук оҥорбута.Онутаһынан гантель атыыласпыта.
Колик онно күнү быһа дьарыктанан тахсара уонна наар «мин улааттахпына, күүстээх буолуом» диэн
тылланар этэ. Кыра эрдэҕиттэн улахан дьон ортотугар сылдьыбыт буолан, улахан киһи курдук буо­
лааччы.Уолум быыкаа эрээри бэйэтиттэн кыра оҕолору наһаа сөбүлүүрэ.Атаахтыыр диэни билбэт этэ.
Колик кыра сырыттаҕына мин: «Ороҥҥун хомуйбатаххына, аармыйаҕа кэһэтиэхтэрэ», - диирим. Ол
иһин оронун мэлдьи хомуйара, таҥаһын эмиэ куруук дьаарыстаан уурара. Уопсайынан, олус ыраас,
чэбэр буола улааппыта.
Коля 2010 сыллаахха Найахы орто оскуолатыгар 1 кылааска киирбитэ. Кылаас салайааччыты-
нан Надежда Николаевна анаммыта. Оҕобут оскуолаҕа киирбититтэн наһаа үөрбүтэ уонна учуута-
лын олус сөбүлээбитэ. Ол да иһин буолуо, Коля 1 кылааска үөрэнэр бастакы күннэригэр, сарсыарда