Page 15 - Өрүкүйэр сүрэҕэ өрүү инники. (Голиков Николай Леонидовичка ананар)
P. 15
биһигини айманыахтара диэн харыстаан кэпсээбэтэҕин кэлин билбиппит. Ал-
тынньы 30 күнүгэр оҕом: «Биһигини Запорожьеҕа көһөрөллөр, уонча күн си-
бээс суох буолуоҕа, сүтэримэҥ», - диэбитэ. Ити оҕобут, уолчааммыт, Колябыт
куолаһын бүтэһик истиибит буоларын хантан билиэхпит баарай?!. Сэтинньи
ый саҥатыгар хотоммутугар сырыттахпытына, нэһилиэкпит баһылыга Петр
Анатольевич кэлэн: «Уолгут Николай Голиков сэтинньи 1 күнүгэр кыргыһыы
хонуутугар суох буолбут...» - диэн, ыраас халлааҥҥа этиҥ этэринии, ыар со-
нуну иһитиннэрбитэ. Коляны сэтинньи 17 күнүгэр төрөөбүт дойдутугар аҕал-
быттара. Оҕобутун хамандыыра уонна старшината арыаллаан кэлбиттэрэ.Ха-
мандыыра: «Эһиги оҕоҕут Коля уонна мэхээнньик доҕоро бойобуой сорудаҕытолоро сылдьан, өстөөх
снарядыттан суох буоллулар. Оттон хамандыырдара ыараханнык бааһыран, госпитальга сытар. Эһиги
уолгут хорсун-хоодуот буойун, дьиҥнээх эр санаалаах. Николай Голиков кыргыһыы хонуутугар дьо-
руойдуу охсуһа сылдьан, сырдык тыына быстыбытынан «Эр санааланыы» уордьанын туттарабыт», -
диэбитэ.
Бу туохха наадалаах анал байыаннай дьайыыный, туохха туһалаах сэрииний?!! Хаарыаннаа-
хай оҕолорбутун, элбэх ыччаттарбытын сэрии сиэртибэтэ оҥордохторой!!! Хаһан бүтэр сэриилэрэ
буолла?..
Бу ыарахан күммүтүгэр күүс-көмө буолбут бар дьоммутугар, Найахы нэһилиэгин олохтоохтору-
гар, бииргэ үөрэммит доҕотторбутугар, аймахтарбытыгар, оҕобут бииргэ үөрэммиттабаарыстарыгар,
бииргэ үлэлээбит дьоммор-сэргэбэр барҕа махтал! Хайа да ыалга маннык ыар кутурҕан хатыламма-
тын!
...Оо.оҕом арай минтылбын истэн,баҕара'р үөрэҕэр киирбитэ буоллар... итинникбуолуо суоҕа этэ...
Билигин оҕобун эр киһилии ииппиппинэн киэн туттабын. Оҕом, Колям, кыйаарга көппүт мохсоҕолум,
быдан дьылларга быраһаай!..
О Ҕ О М ДАТА А А Т Т А Н А Т У Р Д У Н
Күһүн балаҕан ыйыгар Майа Баалыга оттуу сылдьан, КолябытУкраинаҕа СВОҕа сылдьар кэмигэр,
биир кун оттуу сырыттахпытына, халлааны сабардыыр үтүмэн үгүс үөр туруйа кэлэн, киһи уйулҕатын
көтүтүөх курдук алааспыт үрдүнэн айманан, балай эмит уһуннук эргийэн, соҕуруу ааспыттара. Итин-
ник элбэх үөрдээх туруйа турууктаан ааһарыгар хаһан да түбэспэтэхпит. Бары, саатардөлөпүөммүтүн
үүтээҥҥэ хаалларан кэбиспит буолан түһэрбэтэхпит. Кэнники санаан көрдөххө, ити туруйалар оҕо-
лорбут дууһаларын ылан баран сылдьаллара дуудии саныыбын.
