Page 14 - Өрүкүйэр сүрэҕэ өрүү инники. (Голиков Николай Леонидовичка ананар)

йаҕа бар. Аармыйа кэнниттэн киһи
үөрэхтэн тэйэн хаалар», - диэбитим
да, уолум мин этэрбин ылымматаҕа.
Оскуоланы 2021 сыллаахха бүтэр-
битэ. БКЭ-тин туттараат да, аттеста-
тын да ылбакка, аармыйаҕа баран
хаалбыта.
Хабаровскайга танковай полкаҕа
сулууспалаабыта. Учебнай полкаҕа
тааҥка наводчига буолбута.Уолбут 6
ый буолан баран, «контрактник буол-
лум» диэн,төлөпүөнүнэн кэпсээбитэ.
Ийэтэ биһикки соһуйан эрэ хаалбып-
пыт. Онтон өй ылан: «Үөрэххэ киир-
бэккин дуо?» - диэн ыйыттыбыт. Ону
3 сылга контракка илии баттаабытын
эппитэ. Ол саҕана дойдуга байыаннай балаһыанньа уустугуруо диэн билбэт этибит. Онтон уолбут еф­
рейтор буолбутун төлөпүөнүнэн кэпсээбитэ. 2022 сыл олунньутугар анал байыаннай дьайыы буол-
бутугар оҕобуттан: «Эһигини Украинаҕа ыыппаттар ини?» - диэн ыйыппытым. «Ээ, суох», - диэбитэ.
Онтон уолум: «Младшай сержант аатын иҥэрдилэр, отделение хамандыыра буоллум. Саҥа кэлбит
саллааттары үөрэтэбин», - диэбитэ. «Украинаҕа олох бара сатаама», - диэн этэрим, ону уолум сөбү-
лэһэр эрэ этэ. 2022 сыл сайыныгар, бэс ыйыгар, оҕом: «Мобилизацияҕа кэлбиттэри тааҥкаҕа үөрэтэ-
бин», - диэн эрийбитэ. Ити ыһыах кэмэ этэ. Мин Туймаада ыһыаҕар «Дыгын оонньууларын» устубут
видеоларын ссылкатын булан, уолбар ыыппытым. Оҕом онно үөрэн: «Паапа, олус астына көрдүм», -
диэн махтаммыта. Кини «Дыгын оонньууларыгар» кыттыан баҕарарын эрдэттэн билэрим.
Онтон атырдьах ыйын ортотугар уолум: «Украинаҕа командировкаҕа барар буоллубут», - диэбитэ.
Украинаҕа Херсон куорат чугаһыгар тохтообуттар этэ. «Тааҥканы ыытар мэхээнньик - нуучча уола,
тааҥка хамандыыра - алтаец, оттон мин тааҥка наводчига буолан сылдьабыт. Бойобуой сорудах-
ха баран кэлэбит, манна окуопаҕа
хоно сылдьабыт, аспыт барыта баар.
Барыта этэҥҥэ. Сороҕор Херсоҥҥа
баран, ас-үөл ылан кэлэбит», - диэн
кэпсээбитэ. Онтон биир кэпсэтии-
битигэр уолум: «Биир тааҥкабытын
уматтылар, онон саҥа тааҥканы
биэрдилэр», - диэн эппитэ. Ол тааҥ-
каларын өстөөх снаряда уматарыгар
оҕом контузия ылбыт эбит этэ. Ону