Page 21 - Өрүкүйэр сүрэҕэ өрүү инники. (Голиков Николай Леонидовичка ананар)

9 кылааска үөрэнэр кэмигэр ЫБММ (МЧС) үлэһитэ буолар баҕа санаалаах буолан, 2018-19 үөрэх
дьылыгар баһаарынньыктар күрэхтэһиилэригэр кыттан, 2 миэстэ буолан, «Эдэр баһаарынньык» дас-
табырыанньатын туппута. Кулун тутар 15 күнүгэр оскуолаҕа английскай тыл викторинатыгар диплом
ылбыта. Кулун тутар 18 күнүгэр Суоттутааҕы «Доҕордоһуу» түмэлигэр «Хаар-хаар барахсан!» Өрөс-
пүүбүлүкэтээҕи оҕолор оонньууларын күрэҕэр 2 истиэпэннээх дипломунан наҕараадаламмыта. Бэс
ыйын 17 күнүгэр Семен Васильев аатынан Найахы народнай хорун кэлэктиибин 55 сылыгар аналлаах
ыһыаҕар оскуола орто сүһүөх үөрэнээччилэригэр (уолаттарга) сүүрүүгэ 2 үрдэл кыайыылааҕа буол-
бута. Тохсунньу 27 күнүгэр оскуолаҕа ыытыллыбыт «Боотурдар» күрэхтэригэр 3 үктэл кыайыылааҕа
буолан, «Туоһу сурук» ылбыта. Онтон 10 кылааска киирэригэр атах оонньуутугар дьарыктанаары,
Бэйдиҥэ орто оскуолатыгар үөрэнэ барбыта.
2019 сылга ситиспит ситиһиилэрэ:
• Волейболга «бастыҥ кимэн киирээччи»;
• Оскуола иһинээҕи «Боотур - 2019» күрэх - 1 үктэл;
• Марафоҥҥа өрөспүүбүлүкэ күрэхтэһиитэ - 2 миэстэ (кулун тутар 15 к., 2019);
• «Дрон» бырайыактыыр үлэни ыытыы чэрчитинэн роботехникаҕа 3 истиэпэннээх диплом (кулун
тутар 20 к., 2019);
• «Быһый Боотур» күрэх - Туоһу сурук (муус устар ый, 2019);
• Суоттуга ыытыллыбыт 800 м сууруу- 2 миэстэ (2:31:19), ыам ыйын 15 к., 2019;
• «Дүпсүн оонньуулара» күрэхтэһиигэ: 1.Атах оонньуута - 2 миэстэ. 2.Тутум эргиир - 3 миэстэ.
3.400 м сууруу - 2 миэстэ. 4. Хапсаҕай - 1 миэстэ.
• Н.Тарскай бирииһигэр сууруу - 1 миэстэ (бэс ыйын 8 к., 2019).
• Үөрэнээччилэр Бүтүн Арассыыйатааҕы Олимпиадаларын муниципальнай түһүмэҕин призера (сэ-
тинньи 22-23 кк.,2019);
• «Баскетболга бастыҥ көмүскээччи» (ахсынньы 17 к., 2019);
Оҕом 9 кылааһы бүтэрбит сайыныгар 4 нэһилиэги кэрийэн курэхтэспитэ. «Боотурдар күрэхтэһии-
лэригэр» Коля бэрт кыранан хаалан, бириистээх миэстэҕэ тиксибэтэҕиттэн хомойо саныыра. Баа-
таҕай нэһилиэгин ыһыаҕар марафоҥҥа кыттан бастаабыта. Дьиэтигэр суотабай төлөпүөн, сахалыы
иһит набора, мультиварка аҕалтаабытын барытын миэхэ бэлэхтээбитэ. Оҕом ити суотабай төлөпүөнүн
билигин даҕаны илдьэ сылдьабын. Онтон Сивцев Вовалыын уонна атын табаарыстарын кытта Дүп-
сүҥҥэ матасыыкылынан тиийэн, биирдиилээн көрүҥҥэ киирсэннэр, шатер-балаакка, 1 дьааһык арыы
уонна пароварка аҕалтаабыта. Нөҥүө күнүгэр Бэйдиҥэҕэ баран, сүүрүүгэ уонна атах оонньуутугар
миэстэлэһэн, чааскы, сувенир, хас да мүһэ аҕалтаабыта. Онон 9 кылааһы бүтэрбит сайынын наһаа
күндүтүк саныыра. Бээдилэр эһиилги күрэхтэһиилэригэр ыҥырбыттарын үөрэ ахтара.
11 кылааска ситиһиилэрэ:
• «Боотур - 2021» - 2 үктэл (олунньу 24 к., 2021);
• волейбол - 2 миэстэ (муус устар 17-18 кк., 2021);
• «Хаар, хаар барахсан!» Өрөспүүбүлүкэтээҕи спортивнай күрэхтэһиигэ:
1. Кирилиэһи сүүрүүнэн дабайыы уонна түһүү - 1 миэстэ. 2. Остуолбаҕа ыттыы - 1 миэстэ.