Page 23 - Өрүкүйэр сүрэҕэ өрүү инники. (Голиков Николай Леонидовичка ананар)

«Ахсынньы бүтүүтэ тиийиэм, Саҥа дьылы дойду-
бар ылабын. 10 хонук сибээскэ тахсыам суоҕа,
сүтэримэҥ»,-диэбитэ. Ол иһин биһиги ол 10 күн
ааһарын кэтэһэ сатыы сылдьыбыппыт. Онтон...
сэтинньи 6 күнүгэр оҕобут ити ый 1 күнүгэр суох
буолбутун туһунан биллэрии туппуппут...
Биһиги ыарахан кэммитигэр дойдубут дьоно-
сэргэтэ өйөбүл-тирэх буолбута. Үөрэммит оскуо-
латын салалтата, учууталлара, олохтоох дьаһалта
оҕобут аатын үйэтитиигэ дьоһун үлэни ыытты-
лар. Ол курдук быйыл оскуолаҕа оҕобут аатынан
ырыа уонна строевой хаамыы көрүүтэ ыытыл-
лыбыта. Нэһилиэк ыһыаҕар оскуола оҕолоругар
ыытыллар «Эрдьигэн Боотур» күрэхтэһиини эмиэ Коля аатынан тэрийбиттэрэ. Ол иһин амарах санаа-
лаах Найахыбыт дьонугар олуһун махтанабыт. Сэрии ыар тыына, кутурҕан аргыстаах хараҥа кыната
хайа да ыалга сабардаабатын!
Билигин санаан көрдөхпүнэ, биһиги ыал олохпут уйгутун барытын уолбут Коля тутан олорбут эбит.
Ону оҕобут барахсаны сүтэрэн эрэ баран, сытыытык суохтаатыбыт, наһаа тулаайахсыйдыбыт. Ийэлээх
аҕа уолчааммытын санаабатах, ахтыбатах күммүтда суох...
София Петровна Гоголева, ийэтэ,
үлэ бэтэрээнэ.
2023 с.

ТИҺЭХ КӨРСҮҺҮҮ

• — 4* — 4*— •
Киһи чугас киһитэ эмискэ суох буолан хааларыгар итэҕэйэрэ олус ыарахан
эбит. Коля биһи кэккэбититтэн туораабытын билигин да итэҕэйиэхпин баҕар-
баппын. Ханна эрэ ыраах үөрэнэ дуу, сулууспалыы дуу сылдьар курдук...
Оҕобут күн сирин көрөрүгэр, 2002 сыллаахха алтынньы 4 күнүгэр, мин
Нам Хамаҕаттатыгар саха-французскай оскуолаҕа практикалана сылдьарым.
Сурдьуламмыппыттан олус үөрбүтүм. Суол суох кэмэ буолан, тута дьоммор
тиийбэтэҕим. Онон кырачаан киһилиин Саҥа дьылга көрсүбүппүт. Коля олус
да минньигэс сыттаах этэ, үөр да үөр буолара. Ол курдук дьыл-хонук ааһан
испитэ. Биһиги туспа ыал буолан, оҕолонон-урууланан, дьиэлэнэн-уоттанан,
дьоммутугар уоппускабытыгар эрэ күүлэйдии кэлэр буолбуппут. Сайын аайы
оҕолорбутун таайдара Коля көрөрө, оонньоторо. Сурдьум улаатан, дьонугар көмө киһи буолбутун,
спорка ситиһиилэрин истэн, наһаа үөрэрбит, оҕолорбутугар холобур оҥосторбут.