Page 19 - Өрүкүйэр сүрэҕэ өрүү инники. (Голиков Николай Леонидовичка ананар)

биһиги хотоҥҥо сырыттахпытына, оскуола харабыла ааны аһа да илигинэ, тоҥсуйан, ааны астаран,
хаста да сэрэтии ылан турардаахпыт. Ол курдук оччоттон ыксаллаах-тиэтэллээх буолааччы.
Коля кылааһын оҕолоруттан улахан саҥалааҕынан, чобуотунан чорбойоро. Оскуолаҕа буолар
тэрээһиннэргэ кини учууталын кытта тэҥҥэ дьаһайсан, оҕолорун тылыгар киллэрэн, биир уопсай
санааҕа кэлэн, кылаастара мэлдьи инники күөҥҥэ сылдьара. Оҕом үөрэҕэр да дьаныардаах буо­
лааччы. Биэрбит сорудахтарын толоро охсон, өйдөөбөтөх буоллаҕына, төлөпүөнүнэн учууталларыгар
эрийэн ыйытара.
Коля оскуолаҕа ыытыллыбыт араас хабааннаах күрэхтэһиилэргэ кыттара:
• естествознание олимпиадата - 2 миэстэ;
• «Чаабы-чыыбы чабырҕахтар» күрэх - 1 истиэпэннээх диплом (18.02.2010);
• «Прекрасной осени пора» нэдиэлэтигэр «Детство Ломоносова» бырайыак көмүскэлэ - 3 миэстэ;
• тулалыыр эйгэҕэ аһаҕас уруок уонна «Путешествие в мир химии» - грамота (алтынньы, 2011);
• «Таабырынна таайсыахха» курэх - 5 миэстэ (16.02.2010).
Биирдэ учууталлара Надежда Николаевна, оскуола бибилэтиэкэтин сэбиэдиссэйэ Валерия Пет­
ровна Васильева сорудаҕынан, нэһилиэккэ баар улахан тутуулары уруһуйдаппыт. Оҕолор бары үтүк-
түспүт курдук оскуоланы,дьыссааты,балыыһаны уруһуйдаабыттар эбит. Арай Колик эрэ пилораманы
уруһуйдаан аҕалбыт. Учуутал пилорама хайдах үлэлиирин туһунан кэпсээбит. Онтон оҕом учууталын
кэпсээнин ситэрэн, чопчулаан биэрээччи буолбут, салгыы кылаас дуоскатыгар тахсан уруһуйдаан, пи­
лорама маһы хайдах хайытарын сиһилии быһаарбыт.
3 кылааска үөрэнэр кэмигэр оскуола иһинэн ыытыллар олимпиадаларга мэлдьи кыттара, куруук
бириистээх ус миэстэ иһигэр киирэрэ:
• нуучча тылын нэдиэлэтигэр Бородино кыргыһыыта 200 сылыгар анаммыт дакылаат- 2-3 миэстэ;
• саха тылын нэдиэлэтигэр «Төрөөбүттөрүттыл, иитиллибит ийэ тыл» курэх - 3 миэстэ;
• «Якутия: Что? Где? Когда?» интеллектуальнай викторина - 1 миэстэ.
Коля 4 кылааска үөрэнэ сылдьан, улууска ыытыллар күрэхтэһиилэргэ
кыттар буолбута. Ол курдук А.С. Пушкин төрөөбүтэ 215 сылыгар анаммыт
инсценировкаҕа, Дегтяревскай ааҕыыга сертификат ылбыта. Уус-Алдан-
нааҕы үөрэх управлениетын уонна «Хотугу сулус» оҕо телерадиоакаде-
миятын ааттарыттан эмиэ сертификат ылбыта.
Оҕом күһүҥҥү оскуола дьаарбаҥкатыгар ас астатарын наһаа сөбү-
лүүрэ.Аһын атыылаан, кылааһыгар саамай элбэх харчыны кини киллэрэ-
рэ. Учуутал күнүгэр кылааһын оҕолорун дьаһайан, учууталларыгар бэлэх
оҥороллоро. Саҥа дьылга көхтөөх кыттааччылар эмиэ кинилэр буолал-
лара.
Начаалынай кылааһы бутэрэр сылларыгар банкеттарыгар сиргэ бар-
быттара. Онно Коля аҕатын улахан тыраахтарын көҥүллэтэн, кылааһын
оҕолорун.төрөппүттэрин барыларын тыраахтар бырысыабыгар олордон
илдьибитэ. Олус үчүгэйдик бырааһынньыктаан кэлбиттэрэ.