Page 33 - Өрүкүйэр сүрэҕэ өрүү инники. (Голиков Николай Леонидовичка ананар)

КОЛЯ ГОЛИКОВ А АТ ЫН ҮЙЭТИТЭР ЫТЫК ИЭСТЭЭХПИТ!

•---4* — •£ — Ф — •
«Суох буоллун сэрии! Суох буоллун өлүү! Туругур, эйэ! Эйэ! Эйэ!» - диэн,
урут ыллаан да биэрэрбит. Биһиги, Аҕа дойду сэриитин кэннинээҕи көлүөнэ
дьон, сэрии туһунан дьоннорбут кэпсээннэриттэн, араас ахтыылартан, киинэ-
лэртэн эрэ өйдөбүллээх буоллахпыт. Оскуолаҕа история уруогар үөрэтэрбит.
Сэрии диэн ыраах, ханна эрэ атын дойдуга эрэ буоларын курдук саныырбыт.
Хомойуох иһин, эйэлээх олох түөрэккэйин, күндү үлтүркэйин билиҥҥи олох-
пут көрдөрдө. Аныгы сайдыылаах үйэҕэ ыаллаһан олорбут омуктарбытын
кытта кыргыһыахпыт диэн өйгө да суоҕа.
Биһиги Колябыт уол оҕо буолан, кун сирин көрөн, ийэтин-аҕатын үөрдү-
бүтэ. Кыра эрдэҕиттэн бэрт чобуо, сытыы-хотуу, барыны бары билэ-көрө са-
тыыр сүрдээх элэккэй, сайаҕас майгылаах оҕо этэ.
Аҕата Леонид Николаевич сүрдээх оҕомсох буолан, Колигы олох кыра эрдэҕиттэн тыраахтарыгар
олордон, бэйэтин кытта өрүү бииргэ илдьэ сылдьара. Ол курдук сайынын - от үлэтигэр, саас куска
бииргэ сылдьаллара. Инньэ гынан, Коля тыраахтар уруулун туппутунан улааппыт оҕо буолар.

Кэлин оскуолаҕа үөрэнэ сылдьан, спордунан утумнаахтык дьарыктанан, эт-хаан өттүнэн сайды-
быта. Ол курдук Өтөх Көлүйэҕэ ипподромҥа баран, анаан дьарыктанара. Коля ордук сүүрүүгэ, уһуну
ыстаныыга, атах оонньуутугар уонна игровой спорт көрүҥэр дэгиттэр этэ. Биирдэ эмит ыйыталастах-
пына,уһуну 5,5 м ыстанарын кэпсиирэ. 3x3 ойууга лаппа кыахтааҕа. Мин урут оҕо сылдьан сүүрбүт,
хайыһардаабыт буолан, Коляны олох биһирии уонна хайгыы көрөрүм. Бэйэтин тэҥнээхтэрин ыҥыран,
киэһэ дьиэтин олбуоругар нөҥүө-маҥаа волейбол оонньууллара, оччоҕо биһиги кыракый түөлбэбит
оҕо-аймах саҥатынан туолара.
Аҕата Леонид Николаевич пилорама ылан, мае хайыттарарыгар сороҕор көмөлөһөр этим. Онно
Коля улахан дьонтон хаалсыбакка дүлүҥнэри тэҥҥэ көтөхсөрө уонна олох биир кэм тилигирии сыл­
дьара. Биһиги, баҕар, сааһыран да буолуо, сөрү-сөп буолар этибит.
Кыыспыт Оля Питертэн каникулугар кэлэ сырыттаҕына, Коля биһиэхэ киирэ сылдьан, оскуола со-
нунун сүрдээх үчүгэйдик, бэрт дуоспуруннаахтык кэпсээн сэргэхситэн барбыта. Онно билбиппит Хэл­
лоуин эҥин диэн оҥороллорун.
Коля төрөппүттэрэ София Петровна, Леонид Николаевич Найахыга харыс да сири халбарыйбакка
саастарын тухары сопхуос, нэһилиэк сайдарын туһугар көмүс көлөһүннэрин тоҕон, үлэлээн кэллилэр.
Ол да иһин оҕолорун барыларын кыра саастарыттан үлэҕэ үөрэтэн-такайан, үлэни таптыырга.сыана-
лыырга, улахан дьону убаастыырга үөрэттэхтэрэ.
Эдэркээн Коля Голиков үтүө, сырдык аатын улууска, нэһилиэккэ үйэтитэр биһиги ытык иэспит буо­
лар!
Роман Романович Мухин, «Чэчир» оҕо уһуйаанын харабыла,
«СӨ үөрэхтээһин 100 сыла" анал бэлиэ хаһаайына.
2023 с.