Page 71 - Өрүкүйэр сүрэҕэ өрүү инники. (Голиков Николай Леонидовичка ананар)

Кыра оҕо эрдэҕиттэн улахан дьону кытта сылдьыбыт буолан, олох улахан киһи курдук кэпсэтэрэ.
Ону-маны барытын ыйытар-сураһар буолара. Сааһыгар сөбө суох лоп бааччы оҕо этэ.
Коля кыра эрдэҕиттэн байыаннай буолар баҕалааҕа. Оскуола кэннэ тута аармыйаҕа барбыта. Он-
тон контрактаһан, Украинаҕа анал байыаннай дьайыыга баҕа өттунэн баран, эйэлээх олох иһин сыр-
дык тыынын толук уурдаҕа...
Хаһан да ахтыы суруйан көрбөтөх киһи бу кылгас тэттик ахтыыларбын оҕобут сырдык кэриэһигэр
анаан суруйдум.

К У С Ү Л Л Э С Т И И Т Э

Угутдьыл буолан, кус үөскээбитсайына этэ.Үлэ кэнниттэн сааһытуолаттар куһу олох кыайбыттара.
Аһылык аайы куһунан аһаан тахсыбыппыт. Кыайан сиэбэккэ.дэриэбинэҕэ дьоммутугар ыытар этибит.
Биирдэ кус үллэстиитэ буолла. Онно оҕобутун кэннинэн туруоран баран, киһи ахсаанынан кустары
үллэһиннибит. «Бу кимиэнэй?» - диэн ыйыттахпыт аайы оҕобут Коля ылар киһи аатын хоп курдук этэн
иһэр, чобуота диэн сүрдээх. Өлүүлэрин ылбыт уолаттар туораан иһэллэр. Уолбут бэйэтин эмиэ умну-
бат. Ону кини көрбөтүгэр хас да куһу ылан кистээн кэбистим, икки эрэ куһу хааллардым быһыылаах.
Барыбытыгар 5-6 кус тиксибитэтэ. Үллэрии бүтэн, Колябыт өлүүтүн ылаары эргийэ түстэ. Дьэ, доҕоор,
киһибит сирэйэ кубарыйа түспэтэ дуо! Кинилэргэ - икки эрэ кус! Дьэ, уолбут өһүргэннэ уонна: «Суох,
биһиги ылбаппыт!» - диэн турда.икки хараҕыттан уу-хаар баста. Аанньа буолуо дуо, үөрэ-көтө үллэрэ
турбут киһиэхэ баара эрэ икки чөркөөй тиксэрэ, атыттар кус бөҕө. Онтон, дьэ: «Ээ, бу баар эбит!» -
диэн, кустарын биэрэн, оҕобутун нэһиилэ уоскуттубут.

« Х А Й Д А Х Б А Р Ы Т А З А Х А Р КИЭНЭЙ?»

Уолбут сытыыта сүрдээх, мээчик курдук биир кэм тэйэн олорор, сылайар диэни олох билбэт. Кыа-
нар да оҕо этэ. Ааһа баран, ону-маны тыыттаҕына, мин суохпар уолаттар: «Уур, тыытыма, Захар
киэнэ», - дииллэр эбит. Мин звеньевод буолан, киниэхэ кыра тойон курдук буоллаҕым буолуо, онон
миигиттэн син толлор этэ. Биирдэ саас булчуттар ботуруонунан оҥорбут моонньоҕон ыҥырар чурук-
туурдарын булан, онон иһиирэ оонньоон, уолаттары өйдөрүн көтүппүт. Онтон ыксаан, хайалара эрэ:
«Коля, бүт, уур, билигин Захар кэлиэҕэ, ити кини чуруктуура», - диэбит. Дьэ, доҕоор, уоллара онно
чуруктуурун ыраах элитэн кэбиспит уонна: «Туох ааттаах барыта Захар киэнэй?!. Эһиэхэ туоххут да
суоҕуй?!» - диэн кыайталаабыт.

«КОЛЯ, С А Л Я А А Т Т А Р М А Н Н Ы К Х А А М А Л Л А Р »

Унньуктаах уһун кыһыммыт бүтэн, саас уу-хаар тахсыыта Лүөҥкэҕэ туох эрэ наадаҕа тиийдим.
Ол тырахтарыыстар ылсарбыт-бэрсэрбит элбэх буоллаҕа. Дьонум иккиэн таһырдьа сылдьаллар эбит.
Ону-маны кэпсэтэн, наадабын ситиһэн баран, Коля уулуссаҕа чалбах аттыгар сылдьарын көрөн (оччо-
лорго 5-6 саастааҕа): «Коля, көр эрэ, саллааттар маннык хаамаллар», - диэн баран, чыначчы туттаат,
атахпын саллааттыы өрө көтөҕө-көтөҕө, чалбаҕы ортотунан ууну-хаары бырдаҥалатан хааман көр-
дөрдүм. Онно аҕата: «Бу киһи оҕону үөҥҥэ үөрэтэн, билигин итинник хаамыаҕа», - диэн хаһыытаата.
Уола үтүктэн хаамыах курдук буолтун көрөн тохтотто. Сарсыҥҥытыгар аҕата: «Дьэ, доҕоор, бэҕэһээ
киэһэ киһибит саллааттыы хааман дьаабыланан кэллэ», - диэтэ. Оҕобут дьоно көрбөттөрүгэр сал­
лааттыы хааман, барыта чалбах уута буолан кэлбит. Дьэ, көр диэтэҕиҥ...
Коля барахсан кылгас буолан баран, чаҕылхай олоҕо барыбытыгар сырдык өйдөбүл буолан хаа-
лыа. Кини Аҕа дойдутун эрдээхтик көмүскээбитэ эдэр ыччакка уонна биһиэхэ, аҕам саастаах да
дьоҥҥо, үтүө холобур буолар. Оҕобут Коля баара эрэ 20 сааһыгар эйэлээх олох туһугар олоҕун толук
уурбута хаһан да умнуллуо суохтаах.Табыллар буоллаҕына, улааппыт уулуссата кини аатынан аатта-
нара буоллар диэн баҕа санаабын этэбин.

Захар Семенович Оконешников, тырахтарыыс, улэ бэтэрээнэ.
2023 с.