Page 11 - Ахтар ытык иэстээхпит

Түмүгэр Петр Николаевич: "Райкомҥа тылбын ылыннарыам,
холбоһон бииргэ үлэлиирбит быдан кыахтаах буолуо,
толкуйданыҥ", - диэбитэ.
Онтон саас, колхозтаахтар ортолоругар бэрт элбэх сүбэ
кэпсэтиилэр, ардыгар мөккүөрдээх мунньахтар кэннилэриттэн
күһүн балаҕан ыйыгар "Хатыҥ Сыһыы" колхоз олохтоохторо -
сорохторо Майаҕаска, 7 ыал Сыырдаахха өлүү сирдэрин ылан
көһөн тахсыбыттара.
Мин өйдүүрбүнэн Сыырдаахха Хороттон көһөн тахсан
маннык ыаллар олохсуйбуттара:
1. Протодьяконов Иван Андреевич - Тыытыгыр;
2. Протодьяконов Михаил Иванович - тимир ууһа;
3. Стручков Дмитрий Иванович-Миитэрэй;
4. Петров Дмитрий Николаевич-Миичээ;
5. Петров Василий Григорьевич-Туотарыһы;
6. Петров Илья Васильевич - бухгалтер;
7. Охлопков Микиттэ - кыдамаһыт.
Хоро нэһилиэгиттэн бэриллибит сирдэр ааттара:
1. Аанай Балаҕаннааҕа;
2. Баргымньы;
3. Мээһэрэм;
4. Уу Матаҕалаах;
5. Аччыгый Хачаайы;
6. Улахан Хачаайы;
7. Балаҕаннаах (Хансыа);
8. Өлөннөөх;
9. Даркылаах.
"Победа" колхоз бастакы бэрэссэдээтэлэ Ленин орденын
кавалера Данилов Петр Николаевич нууччалыы иҥнибэккэ
кэпсэтэр, сытыы, киириилээх-тахсыылаах эдэр киһини
Миитэрэйи Дьокуускайга салайар кадрдары бэлэмниир курска
үөрэггэрэ ыытар. Киһитэ 1953 сыллаахха балаҕан ыйын 11
күнүгэр үөрэҕин бүтэрэн, кыылы иитэр идэни (специалист по
звероводсгву) ылан, тахсар. Ити кэмтэн, барыта 13 сыл устата,
1966 сыл тохсунньу 1 күнүгэр диэри "Победа" колхозка, саһыл
ферматын тэрийэн, кыыл иитээччинэн, үрдүк таһаарыылаахтык
үлэлээбитэ. Бу тэриллибит саһыл фермата сыллата элбэх үбү-
харчыны киллэрэн, "Победа" колхоз 1957 сыллаахха миллионер
колхоз үрдүк аагын ыларыгар сүрүн тирэҕинэн буолбута.
Саһыл фермата Нэмтиэҥҥэ тэриллэн үлэлээбитэ. Миитэрэй
олус элбэх дьону билэрэ. Чугас эргйн нэһилиэктэртэн саас
эрдэтгэн саһыл аһыгар анаан араас отхуоттары (сүөһү өлүгэ,
туйаҕа, төбөтө, о.д.а.) мунньара. Дьэ, ол да иһин буолуо, кинини
биир ааттаахтарыттан арааран, чуолкайдаан, Саһыл Миитэрэй
диэн ааттыыллара.
Дмитрий Иванович 1978 сыллаахха 55 сааһын туолан бочуот-
гаах сынньалаҥҥа (пенсияҕа) тахсыар диэри барыта 25 сыллаах
үлэ ыстааһын аахсыбыта. Ити иһигэр "Победа" колхозка, "Лена"