Page 34 - Ахтар ытык иэстээхпит

оноһуллубут трюмо сиэркилэ. Оо, онно үөрбүппүт аҕай, ордук
кыыс өттө. И тинник көрө сылдьан туох итэҕэспитин-
быһаҕаспьггын барытын хааччыйа сатыыра. Бырааттарым арыый
улааппыттарын кэннэ аҕабар биир киһи миинэр мотоциклын
аҕалан биэрэн эр дьон өттө үөрүү-көтүү бөҕө буолбуттарын
өйдүүбүн. Таайым сааһыран да баран соҕуруунан-хотунан
айанныыр аҕай этэ. Ол даҕаны эмиэ биричиинэлээх. Аймахтар
бары ыраах-ыраах олорор этибит, хотунан-соҕуруунан. Бары
кэриэтэ оҕолонон-урууланан бэйэ-бэйэбитигэр сылдьыспат
буолбуппут. Ону таайым барахсан сибээстээн күүлэйдии
кэллэҕинэ ким хайдах олорорун, хас оҕоломмутун, оҕолор ханна
үөрэнэллэрин кини нөҥүө истэр этибит. Ол саҕана билиҥҥи
курдук телефонунан билсиэхпитин телефон да суох этэ.
Таайдаах, саҥаһым сырдык мөссүөннэрэ тыыннааҕым тухары
өйбөр-сүрэхпэр куруук баар буолуохтара.
Ксения Николасвна ЗАРОВНЯЕВА,
Дмитрий Иванович балта

АҔАМ ТУҺУНАН ИҺИРЭХ ТЫЛ

КОЛХОЗ ТУҺУГАР ОЛОРБУТА
Аҕа - дьиэ кэргэн туллубат тулааһына, тирэҕэ, сирдьитэ, эрэлэ.
"Ыал аҕата тиэргэниттэн биллэр", - дииллэр дьон. Кырдьык,
ыал боруогун атыллаан киирэ иликкинэ кини кимэ-туга биллэр
эбит. Ол аата аҕа дьиэ кэргэн олоҕор, оҕону иитиигэ сабыдыала
күүстээх, далааһыннаах, ыыра киэҥ буолан тахсар.
Оҕону өй-санаа, сиэр-майгы өттүнэн иитэр олус элбэх
эриэхэбэйдээх, мындырдаах, эллэһиилээх, ардыгар айдааннаах
да дьыалалаах.
Оҕо иитиигэ муокастаах,
Ымпыга-чымпыга эриирдээх,
Олус олуона сокуоннаах,
Соһутар-хомотор түгэннээх,
Үөрдэр-көтүтэр үгэстээх.
Оҕону харыстаан, бүөбэйдээн
Сылааска эрэ сытыарыаҥ,
Соччонон сүрэҕин тымнытыаҥ.
Атаахтатан-тараҥнатан,
Эппитин барытын толоруоҥ,
Адьас эйигин ахсарбат
Ааргы буола улаатыа.
Аҕа, ийэ аргыара,
Этиһэрэ, айдаарсара
Оҕо кулгааҕар тиийдэҕинэ
Уйан сүрэх айманан,
Хаҕыс буола иитиллиэ.
Оҕону үлэттэн харыстыаҥ