Page 107 - Өнөрдөр Аҕа дойду сэриитигэр. I чааһа

өрө ыйаан таһаарбыт эбээт уонна «дьэ аны куота баҕаланан көр
эрэ» диэн саҥалаах турбут. Дьон бары чугаһаан, Мэхээлэ куобах
өлөрбүтүн туһунан кэпсэтии, суугунаһыы буолар.
- Дьэ, бу үчүгэй.
- Мэхээлэ куобах өлөрдөҕө дии, — диэн саҥалар иһиллибит-
тэр. Онтон арыый нум-нам буолан бараары туран көрбүттэрэ,
арай Мэхээлэлэрэ саата да суох, халтаҥ болтуота да суох турар
үһү. Туоһулаһыы буолар да, саа ханна барбытын, сон тоҕо суох
буолтун киһилэрэ өйдөөбөт эбит.
Чэ, аны туох кистэлэ кэлиэй, сону уонна сааны көрдөөһүҥҥэ
тоҥ күөс быстыҥа сылдьыбыттар. Хата, булбуттар. Саа биир
төҥүргэскэ өйөннөрүллүбүт, сон биир мутукка ыйаныллыбыт.
Хайа мунун күүтэн олоруой, күһүҥҥү халлаан күнэ киирбит,
хараҥата халыйан барбыт. Булчуттар саалаан бүттэхтэрэ ити. Ол
эрээри кинилэр санаалара түспэт. Күлэ-үөрэ күө-дьаа кэпсэтэ
испиттэр. Кыбытан Мэхээлэлэрин да күлэллэр эбит. «Өлбүт кур-
дук, куоппут курдук, эмиэ туохпут курдугай?» Мэхээлэ ону ис-
тибэт, кыһаммат, бэйэтэ атын санааҕа иһэр. Онтон биирдэ, сэргэх
баҕайытык күөрэччи саҥа таһааран дьонуттан ыйытар:
- Оҕолоор, мин куобах өлөрбүппүн Дэбдэ кырдьыктаныа дуо?
- Тыый, тоҕо кырдьыктаммат буолуой, оттон өлөрдөҕүҥ
дии, - ким эрэ саҥа аллайбыт. Мэхээлэ онно сөп буолбуттуу
чэпчэки-чэпчэкитик үктэнэн хааман тэбигирэтэн барбыт. Дьон
мичээрдэһэ испиттэр.
- Дьэ, оччоҕо, саа ылабын, харчы баҕас баар, - диэн Мэхээлэ
үөрбүт, өрө күүрбүт саҥата салгыҥҥа дуораһыйбыт. Көр, оннук
Михаил Николаевич Ущницкай, чэпчэки, ыраас дууһалаах киһи
этэ. Киһи киниттэн үөрэр эрэ, хомойбот-хоргуппат.
// ЛИТВИНЦЕВ

103