Page 196 - Өнөрдөр Аҕа дойду сэриитигэр. I чааһа

саннын байаатыгар тиийэ түспүт хара куудара баттахтаах, "кыыс
кэрэ" киһи этэ диэн кырдьаҕас эдьиийбит Февронья Сергеевна
Павлова (Хобороос) кэпсиирэ. Оҕолор бары ийэлэрин Ефро-
синьяны батан, кини курдук оҕо төрөөбөтөҕө диэн Хобороос
кэпсиирэ. Сырдыга уонна куудара баттахтааҕа буоллар, убайым
Егор Еремеевич соҕотох уола Вадим уопсай моһуонунан киниэ-
хэ майгылыыр диирэ Хобороос. Кини үчүгэй, кэрэ куоластаах,
ырыаһыт, оһуохайдьыт эбит. Ол иһин дьон кинини Кээбий Кэрэ-
тэ биитэр Ырыа Ыстапаан диэн таптаан ааттыыллара үһү. Кини
ырыатын истээри ыһыахха үксүн дьахтар өтгө мустара үһү. Онон,
Ыстапаан киһи хараҕар быраҕыллар кэрэ дьүһүннээх уонна айыл-
ҕаттан бэриллибит дьоҕурдаах киһи эбит. Ханнык баҕарар Кэрэ бу
күн сиригэр уһун үйэтэ суоҕун быһыытынан Степан Николаевич
эдэр сааһыгар сэллик ыарыыттан өлбүт.
Дьонноро эрдэ өлөннөр түөрт оҕо тулаайах хаалаллар. Мин
аҕам саамай улаханнара, дьоно өлөрүгэр 13-14 саастаах эбит. Ийэ-
лэрэ Ефросинья Сэмэнньэ 7 саастааҕар өлбүт. Тулаайах хаалбыт
оҕолору элбэх сүөһүлээх-астаах Лэгэнтэй Ушницкай иитэбин
диэн ааттаан ылан баран хамначчыт оҥостор. Убайдара Дьэри-
миэй кыра оҕолор наһаа дьүүкэрбиттэригэр ыксаан абаҕатыгар
Петр Гаврильевич Захаровка (Баачааҥҥа) биир күһүҥҥү түүн
оҕолорун кытта күрүүр.
Сэмэнньэ орто унуохтааҕа, кэтит сарыннааҕа, бэйэтигэр сөп
толору эттээҕэ-сииннээҕэ, чачархайдыҥы сырдык куудара бат-
таҕын өрүү туора ньалҕаарыччы тараанар идэлээҕэ үһү. Ыһыах-
тарга ыччат түмсэн оонньуур-көрүлүүр кэмнэригэр илии-атах
оонньууларыгар, тустууга тэҥнээҕин булбат эбит. Наһаа элэккэй,
орүү күлэ-үөрэ сылдьар майгылааҕа, ол иһин дьоҥҥо-сэргэҕэ
сөбүлэтэр эбит. Тулаайах буолан үөрэхтэн төһө да маттар, бэрт
сотору кэминэн улахан дьону кытта ликбезкэ үөрэнэн, үчүгэйдик
ааҕар-суруйар буолар, бэл кэлин үөрэҕэ суохтары үөрэтэр буолбут.
Колхозтары тэрийии саҕаламмытыгар 1930 сыллаахха «Социалис-
тическайдыы ыллык», 1932 сыллаахха «Кыһыл кыһа» колхозка
чилиэнинэн киирэр. От-мас тиэйиитигэр, сүөһү көрүүтүгэр тэбис
тэҥҥэ сылдьар, дьахтар курдук бүгүрү, бэл ынах ыаһар эбит, кэ-
лин тугу барытын элбэх өртүттэн ырыҥалаан көрөр, чахчы үчүгэй
салайааччы этэ диэн олохтоохтор ахталлар. Ол сылдьан биригэ-
дьиир буолар, кэлин үүт-табаарынай ферма сэбиэдиссэйинэн та-
лыллар. 1935 сыллаахха оройуоҥҥа «Кыһыл кыһа» 100-тэн тахса
хаһаайыстыбалаах биир бөдөҥ колхоз буола үүммүт.
192