Page 198 - Өнөрдөр Аҕа дойду сэриитигэр. I чааһа

курдук Читаҕа байыаннай объектары харабыллааһыҥҥа сылдьы-
быт. 1968 сыллаахха «Бэлэм буол» хаһыакка «Бу ханнык Захаро-
вый?» - диэн ыстатыйа тахсыбыт, онно ыскылааты харабыллыы
турар саха саллаатын биир дойдулаахтара «Биһиги Сэмэнньэбит
турар», - диэн билбиттэр. Кэлин 1943 сыллаахха сэриигэ бииргэ
сылдьыбыт Таатта киһититтэн Сэмэнньэ Курскай дугаҕа бастакы
үрдэли ылыыга танкаҕа умайан геройдуу өллө диэн кутурҕаннаах
сурук кэлбит. Сэмэнньэ ол табаарыһынаан суох буолар түгэмми-
тигэр, ким тыыннаах хаалбыт дьоммутугар биллэриэхтээх диэн
үлэхтээхтэр эбит. Ити сурук ис хоһоонун мин кыра эрдэхпиттэн
аҕабыттан истэр буолан чуолкайдык өйдүүбүн.
Ол гынан баран, хомойуох иһин, биһиги Сэмэнньэбит, Өнөр
биир бастын’ ыччата, ханна, хайдах, хаһан өлбүтүн туһунан бил-
лэрии кэлбэтэх. Ол иһин кини күн бүгүнүгэр диэри сураҕа суох
сүппүт дьон ахсааныгар киирэ сылдьар. Ол иһин кэлин мин уол-
бунаан Максимныын араас архивтарга, поисковай этэрээттэргэ,
сайтарга суруйан Сэмэнньэни көрдүүбүт да, эппиэт ыла иликпит.
Быйыл соторутааҕыта эмиэ сэриигэ сураҕа суох сүппүт биир
аймахпытын Алексей Андреевич Захаровы (1905-1942) соһуччу
буллубут. Кини XIX үйэтээҕи архыып докумуоннара көрдөрөл-
лөрүнэн, онно бастакынан сурукка киирбит Степан Захаров (1804
сыллаах төрүөх) уолаттарыттан биирдэстэрэ Андрей Степанович
13 оҕотуттан 6-с оҕо, 5 уолтан иккистэрэ. Петр Гаврильевич За-
харов (Баачаан) аҕата Гаврил Степанович, биһиги хос эһээбит
Николай Степанович уонна Алексей аҕата Андрей Степанович
бииргэ төрөөбүт бырааттыылар эбит. Аҕам кэпсииринэн, Алексей
Андреевич куоракка эрдэ үөрэнэ киирбит, сэриигэ барыар диэри
кинигэ издательствотыгар үлэлээбит. Кэргэнэ Татьяна Степанов-
на Протодьяконова онно корректордыыр эбит.
Мин кинини үчүгэйдик өйдүүбүн. Хатыҥыр, кыра уҥуох-
таах, аккуратнай, чөм курдук дьахтар этэ, хас да сыл сайын уоп-
пускатын кэмигэр биһиэхэ тахса сылдьыбыта. Мин аҕам куоракка
киирдэҕинэ киниэхэ тохтуур эбит этэ. Мин олох кыра сылдьан
эдьиийим Елена Еремеевна «Краснай Якутияҕа», оччотооҕуга ту-
беркулеһы эмтиир балыыһаҕа, атаҕын операциялаппытыгар аҕа-
бынаан кинини көрсө киирэ сылдьан киниэхэ түспүппүтүн өй-
дүүбүн. Билигин докумуоннартан көрдөххө, Петровскай уулусса
N° 8 дьиэтигэр олорбуттар. Кинилэр оҕолоро суох этилэр, Алексей
сураҕа суох сүппүт этэ. Кэлин улаатан баран киирэ сырыттахпына
биир чороччу улааппыт кыыс оҕо баара. Ону аҕам Татьяна Сте-
194