Page 64 - Өнөрдөр Аҕа дойду сэриитигэр. I чааһа

тахсаннар, халлаан хараҥа уорҕатын күнүскү курдук сырдатал-
лар. Биир оннук ракета уота сандаарыс гыммытыгар уун утары,
адьас чугас өстөөх блиндаһа көһүннэ. Сүбэлэһии быһыытынан
блиндажка киирэн, өстөөх сэриитин сэбиттэн тугу эмэ ылыы уон-
на блиндаһы суох оҥоруу соруга турбута. Кинилэр үһүө буолан,
блиндажка ыга сыыллан кэллилэр. Дьолго блиндаж таһыгар ким
да суох буолан биэрдэ. Олус сэрэнэн, бары сэрэҕин күүрдэн, Дьө-
гүөр блиндаж иһигэр үөмэн киирдэ, аантан чугас ручной пулемету
харбаан ылла. Аан айаҕын диэки икки киһи утуйа сытарын көрдө.
Түгэҕин диэки туох баарын төһө киһилээҕин билэр кыах суох буол-
ла. Сыбдыйыаҕынан-сыбдыйан төттөрү таҕыста. Кэтэһэн турар
табаарыстара саҥата суох эгди буоллулар. Харахтарынан имнэн-
сэн, тэйэ түһэргэ быһаарыстылар. Эмиэ сыыллан, кэннилэринэн
тэйдилэр, дьэ уонна хос-хос баайыллыбыт гранаталары траншея
иһигэр утуу-субуу быраҕаттаатылар. Дириҥ, бүтэҥи дэлби тэбэр
тыас кэнниттэн блиндаж үрдэ үрэллэн, үллэҥнии түстэ, күдэҥҥэ
көттө. Ити курдук айдааны тардаат, туох да сүтүгэ, бааһырыыта
суох бэйэлэрин чаастарыгар этэҥҥэ эргилиннилэр.
Бу хорсун сырыыларын иһин Егор Прокопьевич Лукачевскай
«Албан аат» 111 степеннээх орденынан наҕараадаламмыта.
* * *
Дьөгүөр биллэ-көстө сатаабат сэмэй олоҕу олорон ааста. 1942
сыл ахсынньы эргэтигэр хаҥас илиитигэр улаханнык бааһыран,
илиитин уҥуохтарын алдьаттаран, дойдутугар эргиллибитэ. Ол
эрээри үлэни ыарахан, чэпчэки диэбэккэ, бэркэ сыралаһан үлэ-
лээбитэ. Кэлин сылларга отчуттарга остуорастаабыта, «Баарда»
алааска бастакы омурҕаҥҥа чэйдии олордохпутуна олоҕун ити
икки түгэнин кэпсээбитэ. Онно сылдьар үлэһит уолаттар эйэр-
гэһэн: «Өлө-өлө тиллэҥҥин, орто дойдуга букатын кэлбит оҕон-
ньоргун» диэн оонньуур этилэр. Оччоҕо Дьөгүөр өстөөх буулдьа-
тыттан алдьаммыт уҥуохтаах харытын көрдөрөн туран, кэтэҕин
тарбанар, ис иһиттэн сымнаҕастык минньигэстик мичээрдээн
ылара. Атыны тугу да саҥарбат этэ. Ити килбик, сэмэй мичээрэ
олох бары эриирэ-мускуура, дьоло-үөрүүтэ иҥэн сылдьарын оч-
чотооҕу оҕо дьон, биһиги өйдөөбөт эбиппит эбитэ буолуо.
Н.ЛИТВИНЦЕВ

60