Page 96 - Өнөрдөр Аҕа дойду сэриитигэр. I чааһа

көрүдүөргэ тахсыбыта. Хас да кабинеттары ааһан, райкомол се-
кретарыгар тиийбиттэрэ. Афоня райкомол секретарын урут бэйэ-
тин оскуолатыгар көрсөн, кэпсэтэн турар. Ол кэнниттэн оройуон-
нааҕы комсомольскай мунньахха көрбүтэ уонна дакылаатын
истибитэ. Онон билэр киһитигэр эгди соҕус сананан тиийбитэ.
- Хайа, доҕоор, Афоня кэлбиккин дуу? Маладьыас, үөрэххин
үчүгэйдик бүтэрбиккинэн эҕэрдэлиибин, — Дмитрий Антонович Ти-
хонов олоппоһутган ойон туран илии тутуһан, үөрэн-көтөн көрсүбүтэ.
- Дьэ, Афоня, - диэбитэ кини, - эйигин, активнай комсо-
молеһы, бастыҥ үөрэнээччини бэйэҥ төрөөбүт нэһилиэккэр саҥа
аһыллар оскуолаҕа учууталынан, өссө оскуола сэбиэдиссэйинэн
анаан олоробут. Эйиэхэ, эдэр киһиэхэ ити комсомол бойобуой
сорудаҕа буолар. Ону эн чиэстээхтик толоруох тустааххын, - диэн
секретарь эбээһинэстээн, күөйэ-хаайа этэн кэбистэ.
Афоня комсомольскай сорудахтан, буолан баран бойобуой со-
рудахтан аккаастанар сатаммат диэн өйдүүрэ. Онон төһө да толлу-
бутун, дьулайбытын иһин, биир тылы утары эппэккэ, сөбүлэһэргэ
тиийбитэ. Сөбүлэһэрин ааһан, этинэн-хаанынан ылынан үлэлиир-
гэ тылын биэрэн, санаатыгар санаа, күүһүгэр күүс эбиллэн, быһа-
тын эттэххэ, секретарь кабинетыттан биир харыс үрдээн тахсыбыта.
Афанасий Иванович Федоров олоҕор бараммат түбүктээх
үлэтэ саҕаланнаҕа ити.
Өспөххө саҥа оскуола аһыллар буолбутун, онно учууталынан
бэйэлэрин уоллара Афоня Федоров анаммытын туһунан сураҕы
нэһилиэк дьонноро улаханнык сонургуу уонна үөрэ истибиттэрэ.
«Афоня - бэҕэһээҥҥи бэдик бэлиэр оскуоланы бүтэрэн, учуутал
буолбут. Үөрэҕи ылымтыа, сайаҕас оҕо эбит. Сааһын ситтэҕинэ
үчүгэй киһи тахсыаҕа», - дэспиттэрэ Өспөх ыаллара.
Эдэр учуутал дойдутугар кэлээт, нэһилиэк Советын председа-
телэ Василий Осипович Лыткины кытта ыаллары кэрийэн, саҥа
аһыллар оскуолаҕа үөрэниэхтээх оҕолор испииһэктэрин суруйбута.
Оҕолорун оскуолаҕа аҕалалларын туһунан төрөппүттэри кытта бэ-
сиэдэлэспитэ. Нэһилиэк киинигэр Бөрөлөөххө биир ыал чааһынай
дьиэтигэр оскуоланы аһар буолбутгара. Ол дьиэни хаптаһынынан
быыһаан, кылаас уонна остуорас олорор хосторун таһаарбытгара.
Паарта, ыскамыайка оҥорбуттара, ыаллартан эргэ остуоллары,
олоппостору уларсыбыттара. Оттук маһынан хааччыллыы боппу-
руоһа быһаарыллыбыта. Онон үөрэх саҕаланыытыгар оскуола бары
тэриэбэтэ оччотооҕу кэм көрдөбүлүн быһыытынан, ситэн-хотон
бэлэм буолбута. Үөрэниэхтээх оҕо бука барыта кэлэн, үөрэх дьылын
92