Page 91 - Өнөрдөр Аҕа дойду сэриитигэр. I чааһа

лиэк комсомолецтара миитиннэргэ «Интернационалы», «Былааһы
— Сэбиэккэ!», «Поход» диэн ырыалары эдэр эрчимнээх куоласта-
рынан ыллаан ньиргитэллэрэ. Саҥа олох ити курдук Бөрөлөөххө
ньиргийэн-ньаргыйан, үөрүү-көтүү аргыстаах кэлбитэ.
Күн-дьыл биллибэккэ ааһан испитэ. Дьоҕурдаах эдэр учуу-
талы II Лөгөй нэһилиэгэр түөрт кылаастаах оскуолаҕа сэбиэдис-
сэйинэн анаабыттара. Үөрэтэр-иитэр үлэҕэ ситиһиилэрин иһин
оройуоҥҥа бастакылар кэккэлэригэр «Норуот үөрэҕэриитин
ударнига» диэн бочуоттаах ааты ылбыта. 1934 сыллаахха ударник-
просвещенецтар Саха сиринээҕи бастакы слеттарыгар кыттыбыта.
1935 сыллаахха үчүгэй тэрийээччини, учуутсты үөрэх оройуон-
нааҕы салаатын аппараатыгар үлэҕэ инструкторынан ылбыттара.
Кини оройуоҥҥа улахан дьону үөрэхтээһиҥҥэ, культурнай-сыр-
датар тэрилтэлэр ситимнэрин кэҥэтиигэ үлэни далааһыннаахтык
ыытыспыта. 1940 сыллаахха партияҕа кандидатынан, онтон 1941
сыллаахха чилиэнинэн ылыллыбыта.
1941 сыллаахха биһиги дойдубут үрдүнэн уот буурҕа силлиэтэ
түспүтэ. Эйэлээх олох алдьаммыта. Коммунист А.И. Федоров 1941
сыл атырдьах ыйын 15 күнүгэр армияҕа ыҥырыллыбыта. Ити ба-
йыаннай хомуурга оройуон 625 саамай чулуу уолаттара барбыттара.
Афанасий Иванович Иркутскай уобалаһыгар Мальта станцияҕа,
онтон кэлин Харьковтааҕы артиллерийскай училищеҕа үөрэни-
тэлээбитэ. Батарея командирын, рота политругун дуоһунастарын
толортообута. Кини бойобуой суола Харьков, Воронеж, Старай
Оскол, Новай Оскол куораттары, Советскай Прибалтиканы босхо-
лоһууга ааспыта. Сэриини кэпсэлгэ киирбит Кенигсберг кириэп-
пэһин ылыынан түмүктээбитэ. Ити кэпсээтэххэ судургу курдук.
Дьиҥэр, сир-дойду сиҥнэстэр, халлаан хайдар, мааны бэйэлээх
таас куораттар куруппа курдук кумаланар, иэгэйэр икки атахтаах
хаана чалбах курдук халыйар, били, айыы бухатыыра абааһы уолун
кытары охсуһарынааҕар таһыйа алдьархайдаах, оһол уола орулуур,
былыт кыыһа ытыыр хабыр суолун тэлсибитэ. Холобур, Харьков
куорат биир күн немецтэр илиилэригэр, иккис күн биһиги сэ-
риилэрбит илиилэригэр хардары-таары кииртэлии сылдьыбыта.
Кини ол сэймэктэһии, алдьархайдаах хаан тохтуулаах охсуһуу орто-
тугар, буруо-тараа быыһыгар бииргэ үөскээбит киһитин Николай
Михайлович Сергеевы уун-утары көрсүһэ түһэн, аҕыйах тылынан
кэпсэтэн ааспыттара. Онтон Воронеж куорат иһин охсуһуу кэми-
гэр Танда киһитин учуутал Петр Иванович Колодезниковы көр-
сүбүтэ. Сэриигэ сылдьыбыт кэмин бьшаһын тухары баара эрэ икки
87