Page 160 - Сэрии кэмин оҕолоро 2 кинигэ

ӨНӨР нэһилиэгэ

Сэрии сылларын оҕолоро норуот тыатын хаһаайыстыбатын араас салаатыгар үтүө
суобастаахтык үлэлээн, кэнчээри ыччаттанан, билигин оҕолорун, сиэннэрин, хос сиэн-
нэрин ортотугар олороллоруттан үөрэбит.
Ытык кырдьаҕаспыт, тыыл бэтэрээнэ ГТротопопов Алексей Николаевич, төһө да 90
сааһын аастар, дьиэтин-уотун көрөн оҕолоругар күүс-көмө буолар.
Тыыл бэтэрээнэ Иванова Анастасия Константиновна эдэр сааһыттан бастыҥ спорт-
сменка, нэһилиэгин, улууһун, ону таһынан өрөспүүбүлүкэ чиэһин кытта көмүскээбит
суот-учуот киһитэ бэйэтин-бэйэтэ көрүнэн олороруттан киһи эрэ үөрэр.
Литвинцев Николай Николаевич — нэһилиэк, улуус киэн туттар суруйааччыта.
Төрөөбүт дойдутун ис сүрэҕиттэн таптыыра, кини кэрэ айылҕатыгар сүгүрүйэрэ айым-
ньыларыгар ырылхайдык көстөр. Улуу буойуннарбытын, бэтэрээннэрбитин үйэтиппит
хас да кинигэ ааптара.
Үрүҥ илгэни дэлэтиигэ күүстэрин-күдэхтэрин ууран үлэлээбит биһиги бэтэрээн-
нэрбит Атласова Вера Петровна, Гоголева Евдокия Иннокентьевна, Угцницкай Нико-
лай Михайлович, Сергеев Андрей Андреевич буолаллар. Николай Михайлович, төһэ
да 80 сааһын аастар, омук тыраахтарынан сылдьан илимнээн көмүс хатырыктааҕынан
бар дьонун күндүлүүр. Вера Петровна оҕуруот аһын арааһын, сибэкки эгэлгэтин үүн-
нэрэн күн иллэҥэ суох үлэлиир үөрүйэҕинэн күнүн атаарар. Евдокия Иннокентьевна
кыл оҥоһуктарынан сэлээппэлэри, түбүтүөйкэлэри оҥорон улуус таһымнаах куонку-
рустарга кыттар. Андрей Андреевич төһө да сааһырдар дьиэтигэр күүс-көмө киһи.
Лукачевская Александра Федотовна атыы-эргиэн тэрилтэтигэр өр сыл үлэлээбитэ.
Олохторун барытын оҕо иитиитигэр анаабыт биһиги учууталларбытыгар: Лыткина
Агафья Павловнаҕа, Ушницкая Анисия Ивановнаҕа, Новгородова Варвара Алексеев-
наҕа, Лыткина Светлана Афанасьевнаҕа истиҥ-иһирэх тыллары аныыбыт.
Новгородов Семен Матвеевич нэһилиэгин сайдыытыгар бэйэтин сэмэй кылаатын
киллэрбит киһинэн биллэр.
Максимов Петр Андреевич — уус-уран самодеятельность активнай кыттыылааҕа,
хас да ырыа ааптара, мелодиһа. Туоһунан оҥоһуктары оҥорон араас быыстапкаларга
кыттар.
Максимова Любовь Николаевна, бастыҥ общественник, өр сылларга бэтэрээннэри
салайан үрдүк таһаарыылаахтык үлэлээбитэ.
Сэрии сылларын оҕолоро күөх халлаан урсунун, чаҕылхай күнүн сылааһын, сайыҥҥы
өҥүрүк куйааһы, этиҥнээх ардаҕы, самыыры, кыһыҥҥы хаары, силлиэни-буурҕаны,
тоһуттар тымныыны, барытын билэн аастахтара. Үлэ бары ыараханын кыракый сан-
ныларыгар сүктэхтэрэ. Кэннилэригэр хаалларар кэнчээри ыччаттарданан, оҕолорун,
сиэннэрин үөрүүлэринэн кынаттан олороллоро биһигини үөрдэр.
Улууспут нэһилиэктэрэ, бу үтүө бачыымы өйөөн, хас биирдии нэһилиэк сэрии
сылларын оҕолоругар анаан ахтыы хомуйан кинигэ оҥорон таһаарыахтара диэн Өнөр
олохтоохторо эрэнэллэр.

2 0 2 1 с.

156