Page 302 - Сэрии кэмин оҕолоро 2 кинигэ

IХОРО нэһилиэгэ

ка биир сыл биригэдьиирдээбитим. Кыһын сыарҕалаах атынан, сайын ыҥыыр атынан
сылдьар этим. Биригэдьиирдээн үлэһиттэр хайдах үлэлииллэрин, төһө үүт ыанарын,
хас ынах баарын, төһө оту сииллэрин барытын отчуоттуур этим. Ыраах олорор диэн
биригэдьиирбиттэн тохтоппуттара.
1955 сыллаахха кыра холкуостан улаатан сопхуос буолбута. Онно 7 сыл сибиин-
ньэ көрбүтүм. Оччолорго сибиинньэ аһа суох буолан отунан, сиэмэнэн аһатар этибит.
Маҥнай 10-ча сибиинньэни, онтон 100 сибиинньэни көрөр этим. Олох астара суох
буолан, 1962 сыллаахха сибиинньэни эспиттэрэ. Онтон уурайан баран ыанньыксыттаа-
бытым, ньирэй көрбүтүм, үүт астааччынан үлэлээбитим. 1965 сыллаахха кэргэн тахсан
оҕоломммутум. Ол сылга үчүгэй үлэһит буоламмын партияҕа киирбитим. Мунньах-
тарга эҥин сыддьар этим. Кэнники райсовет депутата буолбутум. 70-с сыллардаахха
сопхуос ферматыгар биригэдьииринэн 2 сыл үлэлээбитим. Биригэдьиир үлэтэ наһаа
ыарахана. Сорох сайын устудьуоннар тахсан көмөлөһөллөрө. Сайын 2-3 көһөр этибит.
Отордоон ынахтар мэччийэр сирдэригэр көһөрөрбүт, онтон ыалдьан уурайбытым.
1974 сыллаахха Уус Күөлүгэр көһөн тахсан деткомбинакка завхоһунан 1977 сыллаах-
ха диэри үлэлээбитим. Онтон ыла биэнсийэҕэ тахсан Окоемовкаҕа көһөн олорбутум.
Сопхуос ыһыллан партияттан уурайбытым.
1991 сыллаахха кыыспын батыһан Чараҥҥа көһөн киирбиппит. Билигин 5 сиэн-
нээхпин, биир хос сиэннээхпин. Курбуһах нэһилиэгин Бочуоттаах олохтооҕобун.
Ч араҥ б ө һ ү ө л эгэ
0 6 .0 8 .2 0 1 9 с.

Петрова Елена Ивановна

Мин 1945 сыллаахха от ыйын 7 күнүгэр Уус Алдаҥҥа Хоро
нэһилиэгэр төрөөбүтүм. Аҕам Бурцев Иван Афанасьевич субай
сүөһүгэ бостуук этэ, 5 саастаахпар өлбүтэ. Ийэм Тиит Арыыт-
тан төрүттээх Бурцева Анна Семеновна үйэтин тухары ыан-
ньыксыт ыарахан үлэтигэр үлэлээбитэ. Ол кэмҥэ үлэһит дохуот
аахсара. 1952 сыллаахха Чараҥ оскуолатыгар киирбитим. Кэ-
лин Мүрү оскуолатыгар онус кылааһы бүтэрбитим. Наар интэ-
ринээккэ олорон үөрэммитим. Доруобуйам мөлтөөн Бороҕоҥҥо
киэһээҥҥи оскуолаҕа үөрэммитим, үлэлээбитим. Ол кэмнээҕи
оҕо аһа-таҥаһа биллэр, ас кырыымчык. Сүрүн аһылыкпыт саха
лэппиэскэтэ. үрүҥ ас этэ. Аҥаардас ийэ сүөһүтүтгэн, дьиэтин
үлэтиттэн ордубат этэ. Оскуолаҕа киирии эмиэ боростуой, суум-
ка диэн суох, үөрэнэр малгын былаакка суулаан илдьэ сылдьаҕын, ойуулаах ырбаа-
хынан оскуолаҕа барар этибит, тас да таҥас мөлтөх, тэлигириэйкэ кэтэр этибит. Хата,
интэринээт баар буолан абыраабыта. Таҥас биэрэллэр уонна аһаталлар этэ. Ас дьиэҕэр
курдук буолбатах, син тоторгунан аһыыгын, куһуок саахары бастаан онно амсайбытым.
Онус кылаас кэнниттэн Орто Эбэ интэринээт оскуолатыгар повар көмөлөһөөччүтүнэн
үлэлээбитим. Кэргэннэнэн ыал буолан 5 оҕону төрөппүтүм. 1968 сыллаахха Чараҥ дет-
садыгар ньээнньэлээбитим. Онтон биэнсийэҕэ тахсыахпар диэри Чараҥ библиотека-
тыгар тохтобула суох 30-ча сыл уборщицанан үлэлээбитим.
Онон инники көлүөнэ дьон кыһалҕатаах кэмҥэ олорон, үлэлээн, айан-тутан кэл-
бит үтүөлэрин-өҥөлөрүн, дьоһун кылааттарын үрдүктүк сыаналыах кэриҥнээхпит.
Билиҥҥи эдэр көлүөнэ ону сыанатаан, кинилэргэ махтатлара — сыралаах дьоһун үлэ-
лэрэ, олохторо буолуохтаах.

М уу с ус т а р 2 3 к ү н э 2 0 1 9 с.

298