Page 298 - Сэрии кэмин оҕолоро 2 кинигэ

IХОРО нэһилиэгэ

Баатаҕай холкуостара быһыллыбыт бурдугу астааһыҥҥа киирдилэр. Жданов, Маркс
аатынан холкуостарга бурдугу сынньыыга 2 молотилка үлэлээн эрэр.
М ихаил У ш н и цкай, «К ы ы м », 0 5 .0 9 .4 4 с.
Ы ст ат ы й ан ы архы ы п т ан булла
«К ы лы һах» ст удия салай аан чы т а
Т роева В ера И нн окен т ьевна

Бу ыстатыйаҕа суруллубут Готовцева Елена Иннокенгьевна мин бииргэ төрөөбүт
эдьиийим. Кини биһиэхэ ийэбитин солбуйбут күндү киһибит. Ити биригээдэтин туһу-
нан эдьиийим кэпсээччи. Мин 3 ыйдаахпар мас оропуускаҕа соһон илдьэ барар үһү.
Ийэбит миэхэ ыарахан сылдьан сааҕа оһолломмута. Онон уһуннук Нам оройуонугар
эмтэммит. Онтон сылтаан инсуллаан 3 сыл курдук орон киһитэ буолбут. Маны ба-
рытын 17 саастаах эдьиийбит көрбүт. Ону таһынан 6 бииргэ төрөөбүт балтылара, бы-
рааттара, ийэтин быраата, балта, 100 сааһын ааспыт эһэтэ. Бу улахан дьиэ кэргэҥҥэ
үлэһит аҕабыт уонна ол оҕо соһо сылдьан үлэлиир эдьиийбит Елена Иннокентьевна
сылдьыбыттар.
Аҕабыт кэпсэлгэ сылдьар хоһуун үлэһит-стахановец Готовцев Иннокентий Кузь-
мич — Ааллаах Үүн солбуллубат айанньыта, Булуҥ балыгын биригээдэтин биир бас-
тыҥ балыксыта. Сэриигэ 10 иитимньилээх, ыарыһах кэргэннээх буолан ыыппакка ити
курдук эппиэттээх үлэ фронугар сырытыннарбыттар.
Ийэбит Сивцева Екатерина Евсеевна оҕолонуор диэри эмиэ «Жданов» холкуос
кыайыылаах ыанньыксыта үһү, оҕолоноот да үлэлии барар этэ диэн эһэбит кэпсээччи.
Хомойорум диэн: аас-туор олох кинилэр доруобуйаларыгар охсон олохтон эрдэ бар-
дахтара. Хомойобун Ийэ таптала диэни билбэтэхпитигэр. Аччык да буолларгын ийэ
чэрдээх илиитэ имэрийдэҕинэ төһө эрэ дууһа сылаанньыйар?! Ийэ сылаас хоонньугар
утуйбут оҕо ама дьоллоох түүлү түһүө суоҕа дуо?! Ийэҥ тобугар көтөхтөрөн олордохху-
на, кыра ыарыыны ама билиэҥ дуо?!
«Силиһэ суох мас үүммэт» диэбиттии, син үтүө санаалаах дьон сүбэ-ама, тирэх
буолан бары ыал, үлэһит, эбэ, эһэ буолар дьолун биллэхпит. Ол да эрэн... Ол да эрэн
тиийиммэт-түгэммэт олох бииргэ төрөөбүттэрбин кылгас үйэлээтэҕэ...
Эһэбит Кузьма Иванович Готовцев 103 сааһыгар диэри олорбута, олохтон барыар
диэри өйүн ыһыктыбакка, дьиэ иһигэр «кылаабынай» этэ. Кини талкыга тирии имитэн,
ол манньатыгар биһиэхэ этэрбэс тиктэрэн оскуолаҕа саҥа этэрбэстээх барааччыбыт.
Сайын устата атах сыгынньах сайылыырбыт. Күнү быһа үүт оргутан суорат, иэдьэ-
гэй оҥорон биһигини аһатааччы. Барыбытын үлэҕэ үөрэтэн туох да дьиэ үлэтиттэн
иҥнибэт этибит. Иккис кылаас кэнниттэн холкуоска от үлэтигэр оҕус сиэтээччинэн
саҕалаабытым уонна атынан от мустарааччыга тиийэ «үүммүтүм». Оҕус тигээрдэн, ону
куоттаран, ат бүгүлэхтээн, көлүйэ турдаххына, оройго биэрэн, кистии-саба харах уутун
туора-маара соттуу ханна барыай?...
Ол да эрэн итиннэ ууруллубут эбит олохпут укулаата. Аччыгый убайым Костя 12
сааһыттан бүтүн холкуос отчуттарыгар өйүө таһааччынан үлэлээбит. Оччотооҕу өйүөҕэ
үксэ үрүҥ ас: үүт, сүөгэй, суорат, иэдьэгэй, ымдаан. Ол аһыйыа диэн түүнүн сөрүүҥҥэ
илдьэр үһү. Ону абааһылаах өтөхтөр тастарынан барарыттан куттанан хараҕын быһа
симэн баран ааһар үһү. Ол «доҕорбут» тэлиэгэҕэ өйүөлэр быыстарыгар утуйан хаалар
үһүбүн. Ол да буоллар «абааһыны куттааччынан» баҕаран туран бэйэтэ тэрийэн илдьэ
барар этэ диэн эдьиийим күлээччи.
Сити курдук оччотооҕу оҕо эрдэ улахан киһи буолар, эппиэтинэстээх, олоххо дьу-
луура улаатар.
Ас-таҥас барыбытыгар да биирдиҥи соҕус буоллаҕа. Ким эмэ саҥа таҥас кэттэҕинэ,
бөһүөлэк оҕото бары сонургуу көрөҕүн. Ол таҥас кыраһыныттан эйиэхэ бэристэҕинэ,
эн «дьоллоно» түһэҕин. Тапталлаах куукулаҕын маанытык таҥыннаран үөрэҕин. Эбэ-

294