Page 264 - Сэрии кэмин оҕолоро 1 кинигэ

ЛӨГӨЙ нэһилиэгэ

Сыл түмүгүнэн биирдии ынахтан 2114 кг үүтү ыан, өрөспүүбүлүкэҕэ, оройуоҥҥа
бастыҥнар кэккэлэригэр тахсыбыт. Альбина Григорьевна Комсомол Обкомун, оро-
йуон, сопхуос Бочуотунай грамоталарынан наҕараадаламмыт.
Сүөһү көрүүтүн ыар үлэтин быыһыгар Саһылыкааҥҥа култуурунай-маассабай үлэ
көҕүн тутан, сэргэхситиини таһааран, олохтоохтор махталларын ситиспиттэр. Альбина
Григорьевна: «Билигин биһигини кытта үлэлэспит дьонтон үһүөйэх эрэ киһи баар. Ол
эрээри суох буолбут дьоммут оҕолоро биһигини убаастыылларын, истэн билэллэрин
56 сыл буолан баран, ыһыахтарыгар ыҥырыллан, астынан кэлбиппит. Оччотооҕу кыра
оҕолорбут дьоһун дьон буолан, бөһүөлэктэрин кэҥэтэн, тупсаран үчүгэйдик үлэлии-
хамсыы олороллоруттан олус үөрдүбүт».
1963-1965 сс. Лөгөй нэһилиэгэр, маҥнайгы детсады асыһан, иитээччинэн үлэлээбит.
1963 сьы ССКП чилиэнигэр киирэн, 25 сыл кини аатын киртиппэккэ ааттатан,
икки сыл партийнай, сүүрбэ биир сьы иккис сэкирэтээринэн үлэлээбит. СГУ нуучча
тылыгар, литературатыгар сатаатын устудьуоҥката буолан баран, дьиэ кэргэнин ба-
лаһыанньатынан кэтэхтэн үөрэммит.
1967-1986 сс. Лөгөй, Курбуһах, Тумул оскуолатыгар нуучча тылын учууталынан,
библиотекарынан, иитээччинэн, Уһун Күөл детсадыгар сэбиэдиссэйинэн, Кэптэни
детсадын дьааһьыатыгар иитээччинэн үлэлээбит.
1986-1987 сс. Иваново куорат учуобунай кэмбинээтигэр үөрэнэн, бухгалтер идэ-
лэнэн Партизан Заболоцкай аатынан сопхуоска, Лөгөй Сэбиэтин исполкомутар, Лөгөй
нэһилиэгин дьаһалтатыгар 1977 сыллаахха биэнсийэҕэ тахсыар диэри үлэлээбитэ.
Өр сыллаах үлэтэ сыаналанан, «Лөгөй нэһилиэгин бочуоттаах олохтооҕо», «Уус Ал-
дан улууһугар культура сайдыытыгар кылаатын иһин», «Духуобунас сылынан» Хаҥалас
улууһун, «Лөгөй нэһилиэгин социальнай-экономическай сайдыытыгар кылаатын иһин»
бэлиэлэринэн, «Ленинскэй Комсомол 100 сыла» уордьанынан наҕараадаламмыта.
Билигин оҕолорун, сиэннэрин сьыаастарыгар сууланан, Дьокуускай куоракка оло-
рор. Сайынын олоҕун доҕоро, Тумул бастыҥ уола Владимирдыын тутгубут, олох дьо-
лун билбит дьиэтигэр тахсан оҕуруот олордор, сир астыыр.
Ахтыыны суруйда У.И. Бурнашева

Алексеева-Бурнашева Акулина Михайловна

Сут-кураан буоллаҕа буолуо, Байаҕантайга от сии, кыстыы
көһөн баран иһэрбитин өй-төй өйдүүбүн. Тэлиэгэлээх ат эрэ,
оҕус эрэ өйдөөбөппүн. Сынньанан, тохтоон аһатар быһыы-
лаахтара. Силбэһэ турар дьиэҕэ элбэх дьукаах буолан олорорбут.
Оҕонньордоох эмээхсин дьукаах бааллара. Киэһэ аайы таҥа-
раҕа үҥэллэрэ. Биһигини үөрэтэллэрэ. Умса түһэ-түһэ үтүктэн
үҥэрбит. Чуут итэҕэтэ сыспыттара. Биирдэ олоҥхоһут кэлбит
быһыылааҕа. Саха оһоҕун чанчыгар өйөнөн истэ турарбын өй-
дүүбүн. Таһынааҕы ыаллар бары киирбит быһыылаахтара. Киһи
наһаа элбэх курдуга, мин санаабар. Ыатдьан өлө сыспыппар
хантан эрэ луохтуур кэлэн көрбүт: «Оҕобут лэппиэскэтин туус-
ка умньаан (уган) сиир», — диэбиттэр. Ону: «Тугу сөбүлүүрүн
сиэхтээтин», — диэбит. Хас сыл олорбуппут буолла, билбэппин.
Хомустаахха эмиэ үс-хас ыат бииргэ олорорбут. Аҕам убайа, быраата аах уонна
биһиги, биэс оҕолоох ыал. Кинилэр оҕолоохторун өйдөөбөппүн. Остуолга тула олорон
сиэмэ хоруончукатын таллараллара. Хотоҥҥо суорунаҕа бурдук (сиэмэ) тардаллара.
Онно түннүк кырыатын ыраастаан биэрэр этибит. Лаппаахынан. Ийэбит итии аһы-
лыкка килиэп астыыра уонна ханна эрэ үлэлии бараллара. Ону сайыһаммын биирдэ
бэс мас лабаатынан таһыллан кэһэйэн турардаахпын. Сайын ампаарга сытарбыт. Онно

260