Page 266 - Сэрии кэмин оҕолоро 1 кинигэ
P. 266
ЛӨГӨЙ нэһилиэгэ
быт. Күһүн бурдук хомуурун саҕана оҕолор оскуолаҕа үөрэнэ бараллара, мин сайы-
һа хаалаахтыырым. Кыстыкка киирдэххэ борооску көрөрүм. Үҥкүр Өтөҕүн сэрии кэ-
минээҕи оҕолоро: Бурнашева Ааныс, Уля, Ааныс Бушуеватар, Еля, Мария Павловалар
уонна мин бары да үлэттэн туора турбатахпыт. Үҥкүргэ мин субай сүөһү көрөрүм
уонна үүт сүүрдэрим. Ити курдук 16 сааспыттан аны бирикээстээх (үлэ киниискэлээх)
холкуостаах буолбутум. Ол иннинээҕи сылларым үлэ ыстааһыгар төрүт да ааҕыллыба-
тахтара, бука, сэрэйдэххэ, сокуоҥҥа оҕону үлэлэтии диэн бирикээһинэн суох буолуо.
Үҥкүр Өтөҕөр олорон Мигалкина Ульяна Иосифовналыын-Ылдьааскы эмээхсинниин
уокка оттор маспытын бэйэбит мастаан, иһэр уубут мууһун тиэнэн киирэр этибит.
Ылдьааскы ол саҕана почта таһара, онон көлүнэр аттаах этэ. Мин 1963 с. диэри сүөһү
көрө сылдьан, эргэ тахсан ыал буоларга быһаарыммытым. Кэргэним Нам оройуо-
нун киһитэ этэ. Биригэдьиирим Бурунаһыап Уйбаан Сэмэнэбис, киниэхэ эппиппэр:
«Солбуккун бэйэҥ булан баран бар», — диир. Дьэ, холкуостаах дьоҥҥо оннук кытаанах
кэмнэр этилэр. Эдьиийим Даайыс барахсан, төһө да ыарытыган буоллар, мин көрбүт
сүөһүлэрбин ылан хаалбыта. Онон Намҥа тиийэн ыал буолбутум.
Борисов Дмитрий Егорович
Мин 1 Лөгөй нэһилиэгэр Прасковья Николаевна Охлопкова,
Егор Васильевич Борисовтарга 7 оҕонон 1932 сыллаахха күн си-
рин көрбүтүм. 1945 сыллаахха Томтор начаалынай оскуолатыгар
1 кылааска үөрэнэ киирбитим, интэринээккэ олорон үөрэммитим.
Үөрэнэр кэммитигэр алдьархайдаах сут кэмэ этэ, ас диэн суоҕа.
Аччык буолан, оскуолабыт кирилиэһин нэһииччэ хааман тахсар-
быт. Аччыктаан сүүлэ иһэн сыппытым кэннэ, убайым Миитэрэй
сыарҕалаах оҕуһунан кэлэн тиэйэн таһааран аһатан, тыыннаах
ордубутум. Онтон ыла «Ленин» холкуоска хонуу үлэтигэр, оҕус
сиэтэн улахан дьону кытга бииргэ үлэлиирбит. 1950 сыллаахтан
Копырин Егор Алексеевиһы, Дегтярев Михаил Егоровиһы кытта
бултаабытым. 1957 сыллаахтан Дегтярев Михаиллыын Чэриктэ-
йинэн, Верхоянскайга Тукулаан хайаларынан бултуурбут. Кыһыннары хайыһарынан сыл-
дьарбыт, батааккаҕа олорорбут. Киэһэ хараҥаҕа кэлэн тоҥ хаһаа балааккабытыгар ти-
мир оһох оггон, чэй өрүнэн аһыырбыт. Оһох сырдыгар олорон андаатардарбытын сүлэн
танастыырбыт. Былааммытын аһара толорор этибит. Күһүн бултуу барарбат, саас муус
ууллуута бүтэн кэлэрбит. 1965 сылтан андаатар дэлэйэн, манна алаастарбытыгар бултаа-
быппыт. Бултуур кэммитигэр Айылҕа харыстабылын министиэристибэтэ күндү түүлээх
үөскээһинин, көһүүтүн, сэдэх кыыллар төһө элбээбитгэрин кэтээн көрөргө булчутгарга
сорудах биэрэрэ. Сыл аайы ол сорудахпытын толорон ыытарбыт. Сайынын хонуу үлэти-
пэр, окко үлэлиирим. Күһүнүн бултуу барарым. Хас да төгүл социалистическай куота-
лаһыы кыайыылааҕа, чемпион булчут буолбутум. Үлэ, тыыл бэтэрээнэбин, Лөгөй нэһили-
эгин Бочуоттаах олохтооҕобун, «Ытык сүбэ» бэлиэ хаһаайынабын.
Бурнашева Светлана Ивановна
Биһиги ийэбит, эбэбит, Лөгөй нэһилиэгин Бочуоттаах олохтооҕо, үлэ бэтэрээнэ
Светлана Ивановна 1939 сыллаахха ахсынньы 30 күнүгэр Уус Алдан оройуонун Хомус-
таах бөһүөлэгэр күн сирин көрбүтэ. Төрөппүт аҕата Гоголев Иван Лукич диэн үөрэх-
тээх киһи этэ, кини Бороҕоҥҥо хаһыат редакциятыгар редакторынан үлэлээбитэ. Ийэ-
тэ Мария, кыыһа үс сааһын да туола илигинэ, соһуччу ыалдьан суорума суолламмыта.
Ол кэмҥэ аҕата атаҕынан моһуогуран, суорҕан-тэллэх киһитэ буола сытар кэмэ эбит.
Ыарыыта бэргээн, кэргэнин да аһыыта түргэтэппитэ буолуо, инню гынан аҕата сыл
262
