Page 198 - Уйбаан Бахсылыырап. Сэрии кэмин оҕолоро - эйэлээх олох уустара

“Дьонноох буолан кырдьары билиммэппит”

Дьэ, ити курдук спорду, чөл олоҕу өрө туппут дьон, биллэн турар, өрүү
дьон ортотугар сылдьаллар. Григорий Константинович оҕо эрдэҕиттэн хор-
муоскаҕа, кэлин баяҥҥа оонньуу үөрэммитэ. Пенсияҕа тахсан, арыый ил-
лэҥсийиэҕиттэн ыла, Кэптэни бөһүөлэгин кулуубугар буолар концертарга
кэргэнинээн өрүү кытталлар. Ону ааһан Г.К.Дьячковскайга сааһырбытын
кэннэ баран ырыа кута уһуктан, мелодия айар. Хас да ырыаны суруйбут,
ырыалара сценаҕа ылланар буолбут мелодист билигин бастакы ырыанньы-
гын таһаартараары бэлэмнии сылдьар.
Анна Степановна оскуолаҕа үлэлиир кэмигэр методическай сэбиэт хол-
боһугун салайааччыта, оройуоннааҕы үөрэх салаатын общественнай инспек-
тора этэ. Аны сэбиэскэй былаас баарын саҕана оччолорго “зонанан” үлэҕэ
өрүү начальнигынан талыллан элбэх өрүттээх үлэни ыытара. Кэлин Кэптэни
бөһүөлэгэр кырдьаҕастарга “Аал уот” түмсүүнү салайан, үлэ уонна тыыл
ветераннарыгар улахан сэргэхсийиини таһаарбыта. Ол да иһин Анна Степа-
новна Павловаҕа 2002 сылга, Уус-Алдан улууһугар социальнай-экономичес-
кай сайдыытыгар үтүөлэрин иһин Социалистическай Үлэ Геройа А.С.Ко-
пырина аатынан (женщина-общественница) 1-кы №-дээх дастабырыанньа
туттарыллыбыта. Бу аат-суол кэннигэр биир харчы төлөбүрэ суох төһөлөөх
сыра-сылба, күн-дьыл барбытын уопсастыбаннай үлэҕэ “төбөтүн оройунан
түспүт” эрэ киһи билэр. Онтон ааспыт сылга А.С.Павлова Лөгөй нэһилиэгин
бочуоттаах олохтооҕун аатын, “Уус-Алдан улууһугар үөрэхтээһин сайдыыты-
гар кылаатын иһин” бочуоттаах бэлиэни ылбыта.
Онтон ыал аҕата Г.К.Дьячковскай педагог-тренер быһыытынан өссө 1984
с. «РСФСР үөрэҕириитин туйгуна”, 1990 с. “РСФСР спордун ветерана” аатта-
ры ылаттаабыта. Спорт ветерана 1995 с. “Саха Республикатын физкультура-
тын уонна спордун сайдыытыгар үтүөлэрин иһин” бочуоттаах бэлиэнэн наҕа-
раадаламмыта. Григорий Константиновичка 2000 с. «Лөгөй нэһилиэгин бочуот-
таах олохтооҕо” ааты иҥэрбиттэрэ. Саха Республикатын физическэй культу-
раҕа уонна спорка туйгуна, Саха республикатын XX үйэ спордун лауреата
Григорий Константинович Дьячковскай 2006 сыллаахха “Уус-Алдан улууһугар
үөрэхтээһин сайдыытыгар үтүөлэрин иһин” ааты ылыан ылбыта. Ол эрээри
Григорий Константинович 33 сьш ыччаты иитиигэ педагог-тренеринэн үлэлээ-
битин, элбэх биллиилээх спортсменнары иитэн таһаарбытын өйдөөн “үтүөлээх
тренер” ааты иҥэрэр сөп этэ.
Григорий Константинович уонна Анна Степановна нэһилиэккэ, улууска
ыытьшлар араас дьаһалларга бастакынан кытталлар. Ол да иһин эрдэхтэрэ.
Аны саха ыалын сиэринэн сүөһүлэрин-астарын тутан олорор дьон. Били-
гин кыһын буолан дьиэлэригэр бэйэлэрэ эрэ. Самаан сайын кэлиитэ, от үлэ-
тин саҕана Дьячковскайдар дьиэлэрэ-уоттара, тэлгэһэлэрэ дьонунан туола түһэр.
Оҕолор, бэл сиэннэр улаатаннар дьылы быһаарар күргүөмнээх үлэҕэ бары
туруналлар. Сөп ээ, эһэлээх эбэ оҥорон таһаарбыт астара-үөллэрэ үксэ оҕолорго
бэйэлэригэр тиийэрин ыччаттара кыраларыттан өйдөөн, билэн эрдэхтэрэ.
Г.К.Дьячковскай, А.С.Павлова оҕо саастарыгар тулаайах хаалан, эрэйи-
буруйу көрбүт кэргэнниилэр, үлэни, спорду уонна культураны өрө тутан,
чахчы да олохторун бэйэлэрэ оҥостубут дьон. Ытыктыыр, киэн туттар аҕа
табаарыстарым, өссө да чэгиэнник-чэбдиктик, дьоллоохтук-соргулаахтык
олоруҥ! Оҕолоргут, сиэннэргит ситиһиилэрэ эһиэхэ күүс-уох эбэ, элбэҕи
эрэннэрэ турдун!
Уйбаан Бахсылыырап, 2008 с.

194