Page 193 - Уйбаан Бахсылыырап. Сэрии кэмин оҕолоро - эйэлээх олох уустара

тин ветерана Степан Степанович Павлов эмиэ аҕатын, ийэтин ааттарын аат-
татар оҕолордоох. Онон удьуор, утум салҕанар...
Гриан Павлов оскуолаҕа үөрэниэҕиттэн чэпчэки атлетиканан уонна хайы-
һарынан утумнаахтык дьарыктаммыта. Кини 100, 200, 400, 1000 м дистан-
цияҕа атаҕынан сүүрүүгэ Уус-Алдан оройуонун элбэх төгүллээх кыайыы-
лааҕа. Хайыһарга “Урожай” уопсастыба күрэхтэһиитигэр 15 км дистанцияҕа
1 разряд нуорматын толорбута. “Ленинскэй тэрийээччи” хаһыат (Уус-Алдан
оройуона) бирииһин кыайыылааҕа. Гриан Григорьевич СГУ медицинскэй
факультетын бүтэрэн, дерматолог-быраас идэтин ылан, билигин Дьокуус-
кайга тирии уонна венерическэй диспансерга профилактика отделын сэбиэ-
диссэйинэн үлэлиир. Гриан Григорьевич үтүө үлэтинэн үрдүк категориялаах
быраас, “Саха Республикатын доруобуйатын харыстабылын туйгуна” ааты
чиэстээхтик сүгэр. Кэргэнэ Татьяна Юрьевна медицинскэй наука кандидата.
Саха Республикатын доруобуйатын харыстабылын министиэристибэтин сүрүн
акушер-гинеколога. Павловтар икки уол оҕолоохтор. Улахан уол Ян Гриано-
вич Санкт-Петербургтааҕы медицинскэй академияҕа ординатураны бара сыл-
дьар. Кыра уол Айаал Грианович ХИФУ финансово-экономическай инсти-
тут бастакы курсун устудьуона.
Грианна Дьячковская (Гриша + Анна, Гриан аата эмиэ таптал холбоһу-
гун бэлиэтэ) Лөгөйдөөҕү спортивнай филиал хайыһар отделениетын бүтэр-
битэ. Грианна республика сүүмэрдэммит хамаандатын чилиэнинэн өссө 7
кылааска үөрэнэ сылдьан киирбитэ. Уус-Алдан оройуонун үөрэнээччилэртэн
бастакынан Россия үөрэнээччилэрин ортотугар икки төгүл, ыччаттарга биир
төгүл кыттыыны ылан куһаҕана суох көрдөрүүлэри ситиспитэ. Грианна Дьяч-
ковская киин үрдүк үөрэх кыһаларын универсиадаларын чемпиона, призе-
ра, “Урожай” уопсастыба кыайыылааҕа, республика үөрэнээччилэрин фи-
нальнай, зональнай күрэхтэһиилэрин элбэх төгүллээх призера. Маны таһы-
нан Грианна чэпчэки атлетикаҕа оройуон элбэх төгүллээх кыайыылааҕа,
Покровскай куоракка ыытыллыбыт кросска 500 м сүүрүүгэ иккис миэстэлээх.
Грианна Григорьевна Дьячковская-Кириллина улууска ыытыллар волейбол,
мас тардыһыытын күрэхтэһиилэригэр эмиэ кыайыылары ситиспитэ, хас да
төгүллээх призер.
Грианна Григорьевна 1989 сыллаахха СГУ физкультурнай отделениетын
бүтэрбитэ. Билигин үрдүк категориялаах учуутал, СР үөрэҕириитин туйгуна,
Амма 1-кы №-дээх оскуолатыгар физкультура учууталынан үлэлиир. Кэргэнэ
подполковник званиелаах Алквиад Акимович Кириллин Амма улууһугар воен-
комунан үлэлиир. Кириллиннэр кэрэчээнэ бэйэлээх түөрт кыыстаахтар. Ула-
189