Page 86 - Тыыннаахтар олох олорор аналлаахатр

нэн үлэлии олорон, Улуу Кыайыы 30 сыллаах үбүлүөйүгэр
ийэбэр уонна миэхэ өйдөбүнньүк суруктаах бэлэх оҥорон
турар. Ол өйдөбүнньүк оҕолорбор, сиэннэрбэр эһэлэрин,
эбэлэрин билэллэригэр кэнники олус күндү мал буолуо дии
саныыбын.
Сэрии сылларын оҕолоро, тулаайахтар нэһилиэктэргэ
адьас ахсааннаах киһи баарбыт. Ону өйдөөн улуус, нэһилиэк-
тэр салалталара бырабыыталыстыба таһаарар уурааҕын күүп-
пэккэ, биһиэхэ туох эмэ чэпчэтиини көрөллөрө, болҕомтону
уураллара буоллар диэн баҕа санаалаахпын!..
И.Д.Шестаков,
Хоро пэһилиэгэ.
Мүрү саһарҕата, 1999 с. ахсынньы 14-17 к.

Аатын ааттатар дьоннордоох
Бу суругу И.Д.Шестаков мин «Мүрү саһарҕата» хаһыакка
үлэлии олордохпуна киллэрбитэ. Оччолорго улуустааҕы
хаһыакка «Ветеран» балаһа кэмиттэн-кэмигэр тахса турара,
элбэх ахтыылар, маныаха хабааннаах суруктар киирэ турал-
лара. Ол «Ветеран» балаһаны мин көрөн, редакциялаан та-
һаартарарым. Онон Иван Дмитриевич суруга дьиэтээҕи ар-
хыыппар баарынан бу кинигэбэр киллэрдим.
Сэрии тулаайаҕа Иван Дмитриевич Шестаков 1942 сыл
от ыйын 10 күнүгэр төрөөбүт. Онон аҕа амарах таптала диэ-
ни билбэтэх киһи, Улуу Кыайыы 65 сылын көрсө 68 сааһын
туолар. Үөһэ, бэйэтэ ахтарын курдук, Иван Дмитриевич
аҕатын туһунан дьон эрэ кэпсээниттэн билэр. Ийэтэ Ко-
пырина Елена Тимофеевна оччотооҕу аас-туор олох кыһар-
ҕаныгар тэптэрэн, быстах кэрэгэй санаа туймуулаан, бэйэтин
кыаммакка, дьон үҥсүүтүнэн 10 сыл хаайыыга бириигэбэр-
дэммит уонна 5 сыл үлэ холуонньатыгар сылдьан кэлбит.
Аччыгый Ваняны кырдьаҕас эбэтэ Татьяна Дмитриевна
Егорова эмээхсин оҕолоон, онон тыыннаах хаалбыт. Ваня
Шестаков тулаайах, кыаммат дьахталлар оҕолоро буолан 4
эрэ кылаас үөрэҕинэн тохтоон, 13 сааһыттан колхозка сайы-
нын от, кыһынын хотон үлэлэригэр миккиллэн барбыт. Бу
оччотооҕу тулаайах оҕолор барыларын кэриэтэ дьылҕалара
этэ... Дьэ, ол сыллартан Иван Дмитриевич колхуос, сопхуос
төһүү үлэһитэ буолан, салалта ханна соруйарынан үлэлээн
пенсияҕа тахсыбыта.