Page 32 - Умнуллубат ол сыллар.. 2012 М.А

Ким да умнуллубат,

Сыроватскай
Прокопий Прокопьевич
Мин Түүлээххэ «Кыһыл Союз» колхоз
«Бэс тумуһах» диэн сиригэр 1933 сыл-
лаахха олунньу 16 күнүгэр колхозтаах
дьиэ кэргэҥҥэ күн сирин көрбүтүм. Кы-
ра эрдэхпинэ ийэм оҕолоноору өлбүтэ.
Билигин да онно аһыйбыппын умнубап-
пын — сааһым биэһим этэ. Аҕам тоҕус
саастаахпар өлбүтэ. Ол кэннэ биир сыл
Винокуровтар диэн ыалга иитиллиби-
тим. Кинилэргэ, ылан олоппуттарьҥар,
махталым улахан.
Онтон ыла колхоз араас үлэтигэр эриллибитим. Кыһынын
— хотоҥҥо, сайынын — оҕуруот аһыгар, окко, улахан дьону
кытга тэбис-тэҥҥэ сылдьарым. Оскуола диэни билбэтэҕим —
ким миигин, тулаайаҕы көрөн-истэн үөрэттэриэй?! Арыт ач-
чыктаан ыалтан-ыалга хонорум — аһаталлара.
Арыый улаатан баран, 16 сааспыттан төһүү үлэһит курдук
сылдьан, дохуот аахсан, бэйэбин син көрүнэн барбытым. Үксүн
ферманы эҥэрдэһэр этим. Халбыыр үүт баҕалаах этэ, үлэлиир
буолан, син тииһинэрим. Ол да нуорма этэ. Сиэмэ атаҕын 16-
лыы киилэни биэрэллэрэ. Ити барыта сэрии, уот-кураан ох-
суута этэ. Өссө кыра эрдэхпинэ отчутгарга бурдук таттара илдьэ
барбытгара. Ону кыайан тардымына: «Ийэм баара буоллар ман-
нык сордонуом суоҕа этэ», - диэн, ытыы-ытыы тардарым. Ол
бурдугу отчуттарга быыкаа куруусканан үллэрэн биэрэллэрэ.
Биирдэ, аччьпсгаан сирэйим иһэн сыттахпына, Ольга уонна
Өлөөнө диэн дьахталлар булан ылан, үүттээх чэй эҥин иһэр-
дэн, тыын ылбытым. Ол дьахталлар: «Бу киһи буолар оҕо
буорайаары гыммыт», - диэн аһыммыттар.
Колхозка охтон өлбүтторбос этин биэрэллэрэ, ону сиир эти-
бит. Дьахталлар тигэн биэртэрэ дуу, куул ыстааннаах, ырбаа-
хылаах этим.
Сэрии кэннитгэн олох улам тупсан барбыта. Арыый улаатан
эҥин, дохуот аахсар, син үссэнэн, тото аһыыр буолбутум.
1970 сыллаахха дойдум кыыһын Машаны кэргэн ылбытым.
Түөрт оҕолоохпут, сиэннээхпит. Колхозка араас үлэҕэ сылдьан,
пенсияҕа тахсан олоробун.
2004с.
30