Page 35 - Умнуллубат ол сыллар.. 2012 М.А

туох да умнуллубат
ттш 9 Ш
Аҕам ийэтигэр собус-соҕотоҕун аҕата
суох иитиллибит оҕо этэ. Ийэм бииргэ тө-
рөөбүт бэһиэлэр — икки уол, үс кыыс.
Онон, билигин уруу-аймах элбэх. Үгүс-
тэрэ Уус-Алдаҥҥа, Якутскайга олорол-
лор.
Мин, сэрии саҕанааҕы оҕо буоларым
быһыытынан, бэйэм тэҥҥэ улааппытта-
рым курдук, аччыктааһыны, таҥас-сап
суоҕун, кырыымчык олоҕу эппинэн-
хааммынан билэн улааппытым. Кыра эр-
дэхпиттэн дьоммор көмөлөһөн, сайынын
колхозка оҕуруокка үлэлээн, от мунньан
борбуйбутун көтөхпүппүт. Киһини өйдүүр буолуохпуттан аба-
ҕам Сыроватскай Василий Степанович «Саастымаҕа» оҕуруот
аһын арааһын: оҕурсуу, хаппыыста, моркуоп, бэл диэтэр,
сэбирдэх табаҕы кытта үүннэрэр этэ. «Саастыматтан» 1 км
кэриҥэ «Хоту өтөх» диэн сиргэ сэлиэһинэй бөҕөтүн үүннэрэр
этилэр. Өлгөм үүнүүнү ылаллара. Оҕуруот аһыгар наар оҕолор
үлэлииллэрэ. Абаҕам «Көппөхтөөх» диэн күөлтэн тиит маһы
ортотун оҥхоччу хаһан, хорууда оҥорон, 100 м чугаһыыр сиргэ
оҕуруот сирин аттыгар холуодьас хаһан, онно ууну бэйэтэ
хачайдаан аҕалара. Онтон ыаҕаһынан баһан кутуу — оҕолор
ирээттэрэ. Ийэлэрбит, аҕаларбыт сайыны быһа оттууллара.
Сэрии саҕана ыал барыта нэһиилэ биирдии ынахтаах, тор-
бостоох буолара. Аҕабын кытта хара түүлээхтэһэр этим. Аҕам
хараҕа мөлтөх буолан, сирдиирим. Үрэххэ быһытгыырыгар,
илим көрөрүгэр илдьэ сылдьара. Төрөппүттэрим бэрт сымна-
ҕас, судургу дьон этилэр. Биирдэ кыыһырсыбакка олус иллээх-
тик олорбуппут. Былыргы кыһалҕалаах олоххо иитиллибит
дьон ордук иллээх буолаллар эбит. Арьҥы иһэн итирбиттэрин
олох өйдөөбөппүн. Наар үлэ үөһүгэр, оҕолорун иитэр туһугар
түбүккэ сылдьаллара.
Миигин 1942 сыллаахха үөрэххэ биэрбиттэрэ. Онно Громов
Гаврил уонна Мааппыйаан диэн олус үчүгэй ыалга эдьиийби-
нээн Маайальгын олорбуппут. Наһаа а!шныгас этилэр. Бииргэ
аһатан, көрөн-харайан олоппуттарыгар билиҥҥэ диэри махта-
набын — Громова Евдокия Гаврильевнатөрөппүттэригэр. Түү-
лээх 7 кылаастаах оскуолатын 1946 сыллаахха бүтэрэн баран,
ыраахтан сылдьарбар дьонум кыайан өйүөлээн үөрэттэрбэт
33