Page 43 - Умнуллубат ол сыллар.. 2012 М.А

туох да умнуллубат

1954 сыллаахха Горнай оройуонугар Бэрдьигэстээххэ гос-
баҥҥа бухгалтерынан уонна кассирынан, онтон телефонист-
канан үлэлии сылдьан, бу Уус-Алдан Сыырдааҕар көһөн кэлэн
бухгалтердаабытым, атыылааччыл аабытым.
Бээрийэҕэ сельпоҕа бухгалтердаан олорбутум, онтон пен-
сияҕа тахсыахпар диэри участковай балыыһаҕа завхоһунан
үлэлээбитим.
03.02.2004 с.

Стрекаловская
Анастасия Васильевна-П
Мин 1935 сыллаахха кулун тутар 29 кү-
нүгэр Түүлээх нэһилиэгин «Хатгыгы» кол-
хоһугар элбэх оҕолоох дьиэ кэргэҥҥэ
төрөөбүтүм. Аҕам Стрекаловскай Василий
Фёдорович үөрэҕэ суох, булчут этэ. Ийэм
Стрекаловская Евдокия Елисеевна 15
оҕолонон, 12 оҕоҕо «Герой-Ийэ» аатын
ылбыта.
1943 сыллаахха оскуолаҕа киирбитим.
Элбэх оҕолоох ыалга ас-таҥас тиийбэт этэ. Кыра оҕолору
мунньан оҕуруот аһьҥар үлэлэтэллэрэ. Сыыс от ыраастааһына,
уу кутуута, хаһынтан быыһааһын буолара. Куулунан куйуур
оҥорон биэрэллэрэ. Онон сиэмэҕэ түспүт аһыҥаны бултаһар-
быт. Наар куоталаһыы, күрэхтэһии оҥороллоро. Ол аһьпганы
мунньан, кыладыапсыккатутгарар этибит. Кыһыҥҥы сынньа-
лаҥҥа ыһыы сиэмэни биирдии туорааҕынан ыраастаан биэс
киилэни кыладыапсыкка туттаран, бириэмийэбэр харандаас
аҥарын ылан наһаа да үөрбүтүм.
Хаахынайы буһаран сиирбит. Хатыыта таҥалайга хатанара.
Сүрүн аһылыкпыт үөрэ ото, бутугас буолара. Сороҕор тиит
сутукатын буһаран сиирбит. Биир сылгы тириитигэр түөрт оҕо
утуйарбыт. Онно сиэл өттө түбэстэҕинэ, кытаанаҕа, хатыыта
бэрт этэ. Сайын устата атах сыгынньах сылдьарбыт. Ол тэбии-
тигэр кэлин ыарыһах буолан, наар балыыһа дойдуламмытым.
Бу 12 оҕо бары ыарахан үлэҕэ сылдьан тымныйан, сыыстаран
өлбүттэрэ. Аны хаһан да сэрии, сут буолбатын!
04.02.2004с.
41