Page 102 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
ригэр эстафета, кросс ыытьшлара. Андрей Андреевич Протопопов
эрдэ сүүмэрдэммит хамаанда чилиэннэрин үлэлэриттэн көҥүллэ-
тэн түмэн, оройуон киинигэр эрчиллэр этибит. Иван Семенович
Румянцев Иван Михайловичтыын иккиэн эрчийэллэрэ. Хайыһарга
оройуон сүүмэрдэммит хамаандатын Иван Михайлович дьарыктыы-
ра. Билигин санаан көрдөххө, спорт бары көрүҥнэриттэн саамай
ыараханнара хайыһар эбит. Тоҕо диэтэргит, кыһын тымныы кэмҥэ
эрчиллии, дьарыктаныы, күрэхтэһии, ону тэнэ хайыһарга сүүрэр
форманы, истээх таҥаһы, үчүгэй хайыһардары, палкалары, хайыһар
мааһын булуу. Бу барыта тренер эппиэттээх, түбүктээх үлэтэ этэ.
Иван Михайлович оҕолорго барыбытыгар биир тэҥ сыһыаннааҕа.
Олус ирдэбиллээх, ол эрээри киһиэхэ сымнаҕас майгылааҕа. Биһиги
бары кинини убаастыырбыт, тугу этэр даҕаны, толорон иһэрбит. Ха­
маанда чилиэннэрэ бары бэрээдэктээх, бэйэ-бэйэҕэ истиҥ сыһыаннаах,
иллээх-эйэлээх биир ыал оҕолорун курдук этибит. Ол иһин да, ити сыл-
ларга хайыһарга, чэпчэки атлетикаҕа үгүс кыайыылар ситиһилиннэх-
тэрэ. Иван Михайлович Дүпсүн оскуолатыгар үлэлээбит сылларыгар
үчүгэй хайыһардьыт кыргыттар Нюта Босикова, Мария, Мотя Соло-
вьевалар, Нюта Ушницкая, Маша Федорова, Роза Аржакова, Альбина
Корнилова, Варя Алексеева, Света Бочкарева тахсыбыттара.
Иван Михайлович биһиэхэ учууталлаабыт кэмнэригэр, мин оскуо-
ланы бүтэрэн, детсадка иитээччинэн үлэлиирим, быраатым Ваня-И
холкуоска үлэлиирэ. Ваняны уонна миигин оскуола үөрэнээччилэ-
рин кытта бииргэ сиэксийэлэргэ сырытыннаран дьарыктаабыта. Ваня
көҥүл тустууга ССРС, РСФСР, Саха АССР маастара этэ. Мин чэпчэки
атлетикаҕа 1 разряды, хайыһарга ССРС спордун маастарыгар канди­
дат аатын ылбытым. Балтым Мотрена Егоровна бэйэтин ахтыытыгар
ситиһиитин суруйуоҕа. Балтым Аня, быраатым Ваня-1, төһө да улахан
спортсмен буолбатахтарын иһин, Иван Михайловичка үөрэммиттэрэ.
Оскуола сүүмэрдэммит хамаандатыгар киирэн, Ваня - тустууга, Аня
сүүрүүгэ күрэхтэһэллэрэ. Биһиги, Иван Михайловичка үөрэммит, эр-
чиллибит оҕолор, киниттэн элбэххэ үөрэммиппит: киһиэхэ эйэҕэстик
сыһьтаннаһарга, туруоруммут сыалы ситиһэргэ, дьаныардаах, тулуур-
даах, бэрээдэктээх буоларга. Иван Михайлович эппит бириэмэтигэр
мүнүүтэ да хойутаабакка кэлэрэ. Ити хаачыстыбата оҕолору элбэххэ
да үөрэппит эбит: бириэмэни харыстыырга, дьиссипилиинэлээх буо­
ларга, бэйэ-бэйэҕэ убаастабыллаахтык сыһыаннаһарга.
Иван Михайлович дэгиттэр талааннаах спортсмен буолар. Кини
айар талаана тобуллан, бэртээхэй хоһооннору суруйан кинигэ оҥо-