Page 137 - Улуус спордун үйэтиппит учуутал, тренер. Иван Жирков

ҕаттан бэриллибит салайар дьоҕура уонна киэҥ билиитэ-көрүүтэ
көмөлөспүтэ саарбаҕа суох. Ол курдук, Иван Михайлович салалта-
тынан биһиги оскуолабыт иитиллээччилэрэ республика, Россия уон­
на Аан дойду үрдүк таһымыгар тахсыбыттара. Бу маны мин били-
гин, биһиги тэрилтэбит биир санаалаах коллективын туйгун үлэтин
быһыытынан сыаналыыбын. Аны бу сылларга төрөөбүт-үөскээбит
дойдуларыгар уһулуччу бэриниилээх дьон: оройуон спорткэмитиэ-
тин бэрэссэдээтэлэ Андрей Андреевич Протопопов, оройуоннааҕы
“Урожай” спортивнай түмсүүтүн салайааччыта Иннокентий Филип­
пович Мигалкин уонна үөрэх салаатын сэбиэдиссэйэ Иван Николае­
вич Данилов курдук чулуу дьон үлэлиир буоланнар, бу улахан си-
тиһиилэр кэлбиттэрэ.
Ити курдук, миэхэ Иван Михайлович туһунан, кини күүстээх са-
лайааччы даҕаны, көнө сүрүннээх, судургу майгылаах киһи быһыы-
тынан даҕаны үтүө эрэ өйдөбүл хаалбыт. Дириэктэрдиир кэмигэр
биһиги кэлиҥҥи сылларга тахсыылаахтык үлэлиирбитигэр чиҥ, бигэ
акылааты түһэрбит эбит. Кини таҥна-сапга, тутта-хапта да сылдьа-
ра барыта ыраас, чэнчис, дьону кытта кэпсэтэрэ, быһаарсара барыта
оруннаах, лоп-бааччы, дириҥ ис хоһоонноох буолара, хаһан даҕаны
үлэтигэр мэлдьи баар буолара, эрдэ кэлэрэ, хойут барара. Маннык
үтүө өрүттэрэ биһиэхэ, салайан үлэлэтэр тириэньэрдэригэр холобур
буолаллара уонна ону кини, биһигиттэн ирдиир даҕаны этэ.
Биллэрин курдук, Иван Михайлович бэйэтэ өр кэмнэргэ биир
күүстээх хайыһардьыт быһыытынан оройуонун уонна Саха сирин
спортивнай чиэстэрин көмүскээбитэ, отгон тириэньэрдии сылдьан
элбэх оҕону дьарыктаан, уонунан республика хайыһарга сүүмэрдэм-
мит хамаандатын кыттыылаахтарын бэлэмнээбитэ.
Аны Иван Михайлович спортивнай оскуоланы салайарын саҕана,
биллиилээх тустуукпут Степан Петрович Сивцев биһиэхэ тренердии
уонна райпоҕа инструктордыы сылдьан ситиһиилээхтик, табыллан
тустубута. Ол курдук, 1984, 1985 сылларга Россия икки төгүллээх
үрүҥ көмүс призера, 1984, 1985 уонна 1986 сыллардаахха бүтүн Со-
ветскай Сойуус чемпионаттарын курдук, элбэх таһымнаах кытаанах
тургутугу ааһан эрэ баран тустар чиэскэ тиксэн, күүрээннээх күрэх-
тэһиилэр кыттыылаахтара буолбута. Онно кини профессионалънай
спортсмен быһыытынан толору ноҕуруускалаахтык дьарыктанан,
элбэхтик күрэхтэһэн, ситэн-хотон, тустар форматыгар киирэн, ула­
хан гүмүктэри ситиһэригэр көҥүллээн, кыах биэрбитигэр Иван
Михайловичка махтанабын. Ити кини бэйэтэ үгүс күрэхтэһиилэргэ